گوادر بندرگاہ آن سالانہ اسہ ہزار ارب ڈالر نا واپارمریک، الس ءِ روزگار ملک، سینیٹر مشاہداللہ

اسلام آباد(پاکستان نیوز پوائنٹ 25نومبر2016ء) مسکوہی بنجائی وزیر سینیٹر مشاہداللہ پارینے کہ گوادر بندرگاہ آن سالانہ اسہ ہزار ارب ڈالر نا واپار مریک۔

پاک چین اقتصادی راہداری آن پاکستان نا الس ءِ ہنداخہ روزگار ملک کہ حکومت آن روزگار خوائنگ کن ہچ گہس بفک۔ وزیراعظم آرمی چیف نا خذمت آتے خراج تحسین پیش کرے ۔

جمعہ آ پارلیمنٹ ہاؤس نا پیشن میڈیا تون ہیت وگپ نا وخت اوپارے کہ پاک چین اقتصادی راہداری ڈٹ آن ملک و قوم انا تقدیر بدلینگک وخت اس کہ گوادر بندرگاہ آن ایران، دے ٹکی

نیامی، امریکہ تون اوار یورپی ملک آتے سالانہ ہزار ارب ڈالر نا واپار مریک ہراڑآن معیشت سوگو و ملک شون ہلیک وخت اس کہ الس ءِ روزگار نا وارخواہی دوبریک۔

اوپارے کہ داوخت دوست ملک چین پاکستان اٹی 46ارب ڈالر نا زرکاری کننگ ءِ ہرافتے ٹی غٹ آن زیات زرکاری توانائی آ کننگ انگ ءِ۔

اوپارے کہ سی پیک ڈٹ آن محروم تپہ نا بدحالی شونہالی ٹی بدلینگک۔ اسہ سوج اسے ناورندی ٹی اوپارے کہ وزیراعظم تدوک آدے سپاروکی دود اٹی آرمی چیف نا خذمت آتے زبردست لوز آتیٹی خراج تحسین پیش کرے۔