چارسدہ ٹی پولیس وین آ ریموٹ کنٹرول بمب دھماکہ، 3کارندہ غاتون اوار 9 بندغ ٹھپی
اسلام آباد(پاکستان نیوز پوائنٹ 26ستمبر 2016ء) چارسدہ ٹی پولیس وین آ ریموٹ کنٹرول بمب جلہو اٹی 3کارندہ غاتون اوار 9 بندغ ٹھپی مسر۔
پی ٹی وی نا رداٹ چارسدہ نا تحصیل شب قدر نا علاقہ سروکلئی ٹی پولیس وین ءِ ریموٹ کنٹرول بمب انا کمک اٹ نشانہ جوڑ کننگا ہرانا نتیجہ ٹی 3کارندہ غاتون اوار 9 بندغ ٹھپی مسنو وخت اس کہ خڑک آن گدرینگوک آ مسافر بس
اسے ہم نسخان رسینگانے۔
دوشنبے نا سہب ءِ مڑدان مروک آ دھماکہ نا احوال ملنگ تون پولیس نا بھلو نفری اس موقع غا سرمس و علاقہ ءِ گھیڑ اٹی ہلسا جلہو گیر آتا پٹنگ نا بناءِ کرینو۔
دھماکہ ٹی ٹھپی مروک آ بندغ آتے چارسدہ نا ہسپتال آ گدریفنگا۔ احوال آتارداٹ دہشت گردی نا نشانہ جوڑ مروک آ کارندہ غاک پولیو ٹیم تا سیکورٹی آ سلوک ئسر۔