ضلع ہرنائی تون اوار صوبہ ٹی امن و ایمنی نا اڈتننگ کن ہر وڑنا گام گیج کننگ اُن، امن و ایمنی ٹی بھلو گچینی اس بسنےسیکٹر کمانڈر نارتھ بریگیڈیئر ندیم ساحل نا ہرنائی نا دورہ نا وخت آ ایف سی قلعہ ہرنائی ٹی قبائلی جرگہ، سیاسی جماعت ع بلدیاتی نمائندہ غاتون تران

ہرنائی(پاکستان نیوز پوائنٹ 26ستمبر 2016ء) سیکٹر کمانڈر نارتھ بریگیڈیئر ندیم پارینے کہ ضلع ہرنائی تون اوار صوبہ ٹی امن و ایمنی نا اڈتننگ کن ہروڑنا گام گیج کننگ اُن، الحمداللہ مست آن داسا امن وایمنی ٹی بھلو گچینی اس بسنے ہرادے پین گچین جوڑ کننگ کن قبیلہ و الس سیکورٹی فورسز و سول انتظامیہ تون کمک کیر۔

داخیال آتا درشانی ءِ او ہرنائی نا دورہ نا وخت آ ایف سی قلعہ ہرنائی ٹی قبائلی جرگہ، سیاسی جماعت ، بلدیاتی نمائندہ غاتیان تران کرسا کرے۔

داوخت آ کمانڈنٹ لورالائی زون کرنل حسنین حیدر، ڈپٹی کمشنر عصمت اللہ قریش، ایس پی عبدالحلیم اچکزئی، ونگ کمانڈر حیشام سید ہم ساڑی ئسر وخت اس کہ قبائلی سرکڑدہ چیف آف عبدلانی ملک اسرارالحق ترین، چیف آف خدرانی ملک مہراللہ خان ترین ، چیف آف بازدانی حاجی ملک محمد رضا ترین، ماسٹر حبیب اللہ ، مولوی عبدالستار ، ملک میراجان ترین ، تحریک انصاف نا شیر باز خان ترین تون اوار ضلع ہرنائی نا کیہی قبیلہ غاتا سرکڑدہ و الس نا بھلو کچ اسے ٹی قبائلی جرگہ ٹی شرکت کریر، داوخت آ ملک اسرارالحق ترین، ملک مہراللہ خان ترین، حاجی ملک محمد رضا ترین،مولوی عبدالستار و ایلو سرکڑدہ غاک بریگیڈیئر ندیم ءِ ہرنائی آ بننگ آ ببو خیرٹ پارسا پاریر کہ ایف سی نا کنڈان ضلع ٹی امن وایمنی پوروی وڑاٹ بحال مسنے، اوفک ایف سی نا کنڈان ضلع ہرنائی ٹی ایف سی پبلک اسکول نا اڈتننگ نا ہم خیرمقدم ءِ کرسا خواست کرینو کہ اودے کالج نا درجہ ترسا اسکول ءِ پوسکنا آسراتی تیان آراستہ کننگ کن گام گیج کننگے، قبائلی سرکڑدہ غاک بریگیڈیئر ندیم و کمانڈر کرنل حسین حیدر ءِ روایتی دستار اس ہم بیرفیر ، قبائلی جرگہ آن تران کرسا بریگیڈیئر ندیم ساحل پارے کہ ایف سی بلوچستان اٹی امن وایمنی نا بحالی تون اوار اوار الس نا شرحالی کن ہم ہروڑنا گام گیج کننگ ءِ، اوپارے کہ امن وایمنی

نا بحالی ٹی قبائلی سرکڑدہ و الس سیکورٹی فورسز و انتظامیہ تون کمک کرسا دہشت گرد و امن وایمنی ٹی اڑاند شاغنگ حکومتی رٹ ءِ چیلنج کروک آ بندغ آتا بروخت پیدواری ءِ کیر تانکہ سیکورٹی فورسز و سول انتظامیہ اواری اٹ دہشت گرد آتا برخلاف دمدستی ایکشن ہلسا اوفتا بیخ کنی ءِ کننگ کیر، اوپاریر کہ امن و ایمنی نا خراب کروک آ ملک دشمن تا عزم ءِ اتحاد و اتفاق اٹ بے سہب جوڑ کروئی مریک۔

ایف سی الس نا رکھ و سلامتی کن ہروڑنا قربانی ایتک۔ اوپارے کہ صوبہ اسہ ایریہ اسے ٹی ہم نوگوایریا ءِ سگنگ پننگک بلکن ملک دشمن عنصر تا سفایا ءِ کننگک، دہشت گرد و ملک دشمن عنصر آتون سختی اٹ مون تننگک الس ناجان و مال انا رکھ و ملکی سلامتی آ ہچ ءُ سمجھوتہ اس کننگپک ۔

اوپارے کہ ضلع ہرنائی ٹی امن و ایمنی نا اڈتننگ کن سول انتظامیہ تون اواری اٹ پبی گام گیج کننگ اُن ضلع نا داخلی و خارجی کسرتیا پولیس ، لیویز تون اوار اوار ایف سی نا چیک پوسٹ ہم اڈتننگانے و نن نا پاراٹی ایف سی نا کنڈآن پیٹرولنگ کننگ انگ ءِ ، داکان بیدس بریگیڈیئر ندیم ساحل ڈپٹی کمشنر عصمت اللہ قریش، ایس پی عبدالحلیم اچکزئی تون ضلع ٹی امن و ایمنی نا بابت دیوان اس ہم کرے ہراٹی کمانڈر لورالائی کرنل حسین حیدر، ونگ کمانڈر حیشام سید ہم شرکت کریر، ڈپٹی کمشنر ضلع ٹی امن وایمنی نا بابت اودے بریفنگ تس۔

بریگیڈیئر ندیم کمانڈر لورالائی اسکاؤٹ کرنل حسین حیدر، ونگ کمانڈر حیشام سید تون اوار ضلع ہرنائی نا تفصیلی دورہ ءِ کرے و دشوار گزار مشی آ علاقہ غاتا ہم تفصیلی دورہ ءِ کرے وخت اس کہ مش تیا ایف سی چیک پوسٹ آتا معائنہ و ایف سی ورناتون ملا، بریگیڈیئر ندیم قبائلی سرکڑدہ غاتیا زورشاغا کہ او فورسز ادارہ غاتون کمک کیر و فورسز آتا ہرافرض آک ءُ اوفتے فورسز آک اداکیرہ و الس ءِ ہراوخت ہم ننا ضرورت تما نن ساڑی مرینہ۔