مزن وزیر شاہد خاقان عباسی ءِ سروکی ءَ کابینہ ءِ اقتصادی رابطہ کمیٹی ءِ دیوان ، یوٹیلٹی سٹورز کارپوریشن ءِ نیمگ ءَ چہ داتگیں ھساب ءُُ کتاب آنی رد ءَ 19چیز آنی سر ءَ المی بنیات ءَ رمضان ءِ ھاترا ریلیف پیکیج ءِ منظوری حکومت پیکیج ءِ چیر دستی ءَ یک ارب 73 کروڑ کلدار ءِ سنسڈی پُجارین ایت
اسلام آباد (پاکستان نیوزپوائنٹ 26اپریل 2018ء) کابینہ ءِ اقتصادی رابطہ کمیٹی (ای سی سی) ءَ یوٹیلٹی سٹورز کارپوریشن ءِ نیمگ ءَ پُجارینتگیں 19وردنی چیز آنی سرءَ رمضان ریلیف پیکیج 2018ءِ منظوری داتگ۔
مزن وزیر شاہد خاقان عباسی ءِ سروکی ۔ ای سی سی ءِ دیوان پنچ شمبے ءِ روچ ءَ مزن وزیر کارگس ءَ برجم دارگ بوت۔ دیوان ءَ رمضان ریلیف پیکیج ءِ چیر دستی ءَ ھما چیز آنی سرءَ بنیاتی سبسڈی دیگ بیت ایشانی تہ ءَ آرت، شکر،ٹیل ءُُ روگن، ڈال پکوڑہ ءِ آرت۔
ناہ، بٹی دان، سکواشز، شیر ءُُ چاھی تاک ھوار انت۔ حکومت اے پیکیج ءِ چیر دستی ءَ یک ارب 73کروڑ 30لکھ کلدار ءِ سبسڈی پُجاری کنت۔
مزن وزیر ءَ پنت پنت ءُُ شون کت کہ رمضان پیکیج ءِ چیر دستی ءَ ھمروچگیں کارمردی چیز مارکیٹ ءَ چہ کم نھاد آں پُجاری کنگ بہ بیت۔
ای سی سی ءَ 660کلوواٹ ایچ وی ڈی سی مٹیاری۔ لاہور ٹرانسمیشن لائن ءِ فنانشل کلوزنگ راجدپتر ءَ پرفارمنس گارنٹی
ءِ زرّ دو سرئی کنگ ء َ ابید ھپت ماہ بزاں یکم دسمبر 2018ءَ تاں دراج بُریں منظوری دیگ بوت۔
اے پیسلہ تھر ءُُ کراچی ءِ نزیک ءَ اشکر ءَ چہ تچوکیں توان ءِ آیوکیں منصوبگ ءُُ کراچی ءَ 1100میگاواٹ ءِ ٹو پراجیکٹ ءِ لائنمنٹ ءِ واستہ کنگ بوت۔
ای سی سی ءَ پاور ہولڈنگ پرائیویٹ لیمیٹڈ ءِ وسیلگ ءَ بست ءُُ بند کتگیں نوکیں مالیاتی آسراتی ءِ رنگ ءَ کمرشل بینک آنی وسیلگ ءَ 100 ارب کلدار جم کنگ ءِ واستہ پاور ڈویژن ءِ شور ءُُ سلاھ ءِ منظوری ھم دیگ بوت۔
وام ءِ زرّ سینٹرل پاور پرچیزنگ ایجنسی ءُُ شوبگ آنی ادارگ ءِ ھوالگ ءَ چہ پاور ڈسٹری بیوشن کمپنی آنی وام آنی گرگ ءِ واستہ کارمرد کنگ بیت، مالی سال 2017-18ءِ واستہ ٹوبیکو ءِ سیس ریٹس ءِ سرءَ چار ءُُ تپاسی ءِ ھم منظوری دیگ بوت۔
راجی اقتصادی کمیٹی ءِ پاسکو ءَ زرّئی کشک ءِ وسیلگ ءَ 155 ڈالر یک ٹن ءِ ری بیٹ ءِ سرءَ 5لکھ ٹن لس گندم برآمد کنگ ءِ ھم منظوری دات۔