مزن وزیر شاہد خاقان عباسی ءِ کمپیوٹر کوڈ نگ ءِ زانشت در جنوکیں زالبول آنی شرپ ءَ برجم داشتگیں مراگش ءَ گشتانک

اسلام آباد (پاکستان نیوزپوائنٹ 26اپریل 2018ء) مزن وزیر شاہد خاقان عباسی ءَ گوشت کہ حکومت زالبول ءَ را ھمگام کنگ ءِ واستہ یک وڑیں موہ پُجارینگ ءِ گامگیج چست کنگ ءَ اِنت تانکہ آ گہتریں ازمکاری آنی درشان ءَ کنان ءَ توامیں زندمان ءِ شوبگ ءَ دیم ءَ بہ جنز اَنت۔

آئی ءَ اے گپ پنچ شمبے ءِ روچءَ مزن وزیر کارگس ءَ وزارت ءِ انفارمیشن ٹیکنالوجی اینڈ ٹیلی کمیونیکیشن ءِ چیر دستی ءَ کمپیوٹر کوڈنگ ءِ زانش ءِ در جنگ ءِ واستہ زالبول آنی شرپ ءَ برجم داشتگیں دیوان ءَ گشتانک دیان اَت۔

مزن وزیر ءَ گوشت کہ آ پھم اِت کہ اگاں پاکستان زالبول آناں یک رنگیں موہ پُجارینگ بیت گڈا آ وتی ازم ءَ را گہتریں رنگ ءَ درشان کت کن اَنت۔

آئی ءَ سرجمیں ملک ءَ چہ زالبول آنی کمپیوٹر ءِ زانشت ءِ ھیل کاری پُجارینگ ءِ منصوبگ ءَ را ساڑات ایشی ءَ چہ

اقتصادی رنگ ءَ برجم بوھگ ءَ کمک رسیت۔

آئیء َ گوشت کہ اے پروگرام 30ہزار زالبول آناں ڈیجیٹل ھیل کاری ءَ چہ سرپد ی پُجاری کنگ ایش پاکستان بیت المال ءِ بھر انت ءُُ آئی سی ٹی سکول پروگرام ءَ چہ یک لکھ 10ہزار سیت مند بیت۔

آئی ءَ ملک ءِ دور ءُُ گستائیں دمگ آنی تہءَ وزارت انفارمیشن ٹیکنالوجی ءِ دراج بُریں رسائی ءِ بابت ءَ کرد ءَ را ساڑات۔

آئی ءَ اے مراگش ءَ کمک ءِ تہءَ شریکداری ءِ کرد پیلو کنگ ءِ پد ءَ یونیورسل سروس فنڈ، مائیکروسافٹ، یو این وومن ءُُ ہواوے ءِ شگر ءُُ منت گپت۔

مزن وزیر شاہد خاقان عباسی ءَ یونیورسل سپورٹ فنڈ ءُُ یو این وومن ءِ نیام ءَ " لیٹر آف انٹینٹ " ءِ سرءَ دست چنگلی مراگش ءَ بھر زوری کت۔

آئی ءَ ڈیجیٹل ھیل کاری زوروکیں زھگ آناں ہواوے ءِ نیمگ ءَ 150الیکٹرانک ٹیبلٹس ھم بھر ءُُ بانگ کت۔