اسلام آباد(پاکستان نیوز پوائنٹ 20ستمبر 2016ء) وزیر داخلہ چوہدری نثارعلی خان تون وزیراعظم آزاد کشمیر راجہ محمد فاروق حیدر خان اوڑدہی کرے ہراٹی مقبوضہ کشمیر اٹی کودک کشمیری تیا ریاستی ظلم و ستم و انسانی حق انا پامالی آ سرجمی اٹ ہیت وگپ کننگا۔
وزیر داخلہ چوہدری نثارعلی خان پارے کہ کشمیری تا حق خودارادیت نا روا و منصفانہ جہد ءِ ریاستی جبر اٹ توننگ مفک۔
اوپارے کہ پاکستان نہ تو بھارتی دھڑکو
تیان خلیک و نہ ہی کشمیری تا سیاسی، سفارتی و اخلاقی مخ تفی آن پدی مریک۔ وزیر داخلہ پارے کہ مقبوضہ کشمیر اٹی انسانی حق انا سنگین خلاف ورزی و اقوام متحدہ نا قراردادآتیان انحراف نہ صرف اقوام متحدہ بلکن جمہوری اقدار آتا علمبردار آتے کن فکر انا ہیت اسے۔
اوپارے کہ بھارتی سروک نا کنڈآن پاکستان آ بلاجواز دوبہ غاتا روش ومعنی خیز مذاکرات آن گریز ڈیہہ ٹی امن نا کسر اٹی غٹ آن بھلا اڑاند ءِ۔