صدر مملکت ممنون حسین نا سپارکو و اسٹریٹجک پلانز ڈویژن نا کنڈآن ارٹ میکو جہانی خلائی کانفرنس نا افتتاحی دود آن تران

اسلام آباد(پاکستان نیوز پوائنٹ 20ستمبر 2016ء) صدر مملکت ممنون حسین پارینے کہ علم کس اسے نا میراث اف ، ننے دنیا نا مقابلہ ءِ کننگ کن تعلیم نا بشخ اٹی خود انحصاری ودی کروئی مریک و تینا تعلیم نا معیار ءِ پوسکنا گرج آتیان ہم آہنگ کروئی مریک۔

پاکستانی سائنسدان جہانی سائنسی ادارہ غاتون اواری اٹ علم انا بشخ اٹی ہندن ءُ ڈٹ بندی کیر ہرا ننا بروک آ نسل آتے کن مفید مریر و طالب علم آک اوڑآن مستفید مرسا انسانیت نا شرحالی کن گچین خذمت سرانجام تننگ کیر۔

صدر مملکت داہیت ءِ سے شنبے آ سپارکو و اسٹریٹجک پلانز ڈویژن نا کنڈآن اڈ ہلوک آ ارٹ میکو جہانی خلائی کانفرنس (آئی سی ایس۔

2016) نا افتتاحی دود آن تران کرسا پارے۔ داوخت آ ڈائریکٹر جنرل سٹریٹجک پلانز ڈویژن لیفٹیننٹ جنرل مظہر جمیل، چیئرمین سپارکو قیصر انیس خرم و ملک و پیشن نا ملک آن بروک آ سائنس دان و نیاڑی و خواجہ غاتا بھلو کچ اس شرکت کرے۔

داوخت آ صدر مملکت خلائی گڑاتا بابت اڈ تروک آ نمائش نا افتتاح ءِ ہم کرے و اوٹی تخوک آ گڑاتے ٹی است خواہی ہلک۔ صدر مملکت پارے کہ علمی پٹ وپول و شون کس اسے نا میراث اف ولے گڑاس جاگہ غاتیا گڑاس خاص ڈیہہ یا قوم آتے نشانہ

جوڑ کرسا اوفتے کن علمی پٹ و پول و شون نا بھرم آتے محدود کننگ نا کوشست کننگک ہرا بے کچ افسوزناک ءِ ۔

صدر مملکت پارے کہ مسکوہی منہ دہائی نا وخت آ خلائی علم انا بشخ اٹی بھاز شون مسنے۔ پاکستانی سائنسدان و انجینئرز آک تینا محدود وسیلہ و مشکلات آتا باوجود اوٹی قابلِ قدر بشخ ہلکونو ہرانا نتیجہ ٹی سائنسی، راجی و اقتصادی بشخ آتیٹی بے مثل شون مس۔

صدر مملکت پارے کہ سپارکو پاکستان اٹی سائنس نا بشخ اٹی تینا اہم کڑد ءِ ادا کرینے ولے اودے دنیا ٹی سائنس نا بشخ اٹی ترندی اٹ شون ہلسا ملک آتون تفوئی مریک۔

اوپارے کہ پاکستان نا اولیکو مواصلاتی سیارہ”پاک سیٹ ون آر“ ہندا خواری نا بھرم ءِ ہراڑآن پبی وڑاٹ فائدہ ہرفنگ انگ ءِ۔

اوپارے کہ آخبت خڑک اٹی ہراتم ریموٹ سینسنگ سیٹلائٹ لانچ کننگک تو داہم اولیکو سیارہ آمبار سرسہب و مفید ثابت مریک۔

صدر مملکت کانفرنس اٹی شرکت کروک آ پاکستانی و پیشن نا ملک آن بروک آ مندوبین آتا منت واری ءِ ادا کرے و دا اومیت نا درشانی ءِ کرے کہ پاکستان پین وخت اس ہم داوڑنا بین الاقوامی خلائی کانفرنس اڈترفسا کیک تانکہ بین الاقوامی خلائی کمکاری نا کسک ہموار مریر۔