گوادر ءِ میاں اوستمانی بالی پڑ ءَ دنیاءِ مستریں گراب ’ اے 380‘ ءِ نندگءِ آسراتی است بیت منصوبہ ءِ سرجمی ءَ چہ بلوچستان ءِ تہا مزنیں کساسے ءَ اقتصادی سُرء ُ پُر بندات بنت

اسلام آباد(پاکستان نیوزپوائنٹ 12اپریل 2018ء) چین پاکستان اقتصادی راہداری ءِ ردءَ گوادر ءَ دیمروئی ءِ کار جاری اَنت، سی پیک ءِ ردءَ گوازوکیں سال بجلی ء ُ انفراسٹرکچر ءِ بازیں منصوبہ آں ھوار درساں ھاس گوادر میاں اوستمانی بالی پڑءَ تعمیراتی کارءِ بندات بیت، اے منصوبہ ءَ چہ ہزارانی کساسءَ ھندی مردماناں روزگارءِ موھ رسیت۔

سی پیک سیکرٹریٹ ءِ حکامءِ گشگءِ ردءَ گوادر ایئرپورٹ ءَ گوں گوادر ماسٹر سٹی پلان، ایسٹ ایکسپریس وے ، گوادر نادرا ھ جاھ ءِ اپ گریڈیشن ء ُ آپکاشی ءِ منصوبہ آنی سرءَ گشادی ءَ گوں کار کنگ بوھگءَ اِنت۔

آئیءَ ھال داتگ کہ منصوبہ

ءِ سرجمیءَ چہ گوادر جدید شہرآنی تہا ھوار بیت۔ بالی پڑءِ جوڈ کنگءِ ھاترءَ زمین ٹھینتگ۔

حکومتءَ پاکستان سول ایوی ایشن اتھارٹی ءَ را اے پراجیکٹ ءَ را گشادی ءِ گوما سرجم کنگءِ پنتء ُ شون کتگ۔ آئیءَ ھال داتگ کہ میاں اوستمانی بالی پڑءِ سرءَ دنیاءِ مستریں گران ’380‘ ءِ نندگءِ آسراتی اَست بیت، گوادر بالی ءِ سرجمیءَ چہ بلوچستان ھاس گوادر ءَ نوکیں سفری آسراتی است بیت کہ ایشءَ چہ نا تنا رؤگء ُ آھگءَ ارزانی بیت بلکیں مزنیں کساسے ءَ اقتصادی سُرء ُ پُر بندات بنت، اے منصوبہ ءَ چہ ہزارانی کساسءَ ھندی مردماناں ر وزگار ءِ موھ دست کپ اَنت۔