مزن وزیر ءِ سروکیءَ اقتصادی رابطہ کمیٹی ءِ دیوان سوئی سدرن ءَ را آر ایل این جی II- پائپ لائن منصوبہءَ چہ ایل پی جی ایئرمکس منصوبہ جات ءِ ھاترءَ 14.8ارب کلدار ءِ نوک سرءَ ایر کنگءِ سوج منظور کتگ، کمپنی ءَ را ملک ءِ ھر ضلع ءِ تہا ایئرمکس پلانٹس ءَ گیش کنگءِ پنتء ُ شون کتگ
اسلام آباد(پاکستان نیوزپوائنٹ 12اپریل 2018ء) اقتصادی رابطہ کمیٹی ءَ سوئی سدرن گیس کمپنی لمیٹڈ( ایس ایس جی سی ایل) ءَ را 14.8ارب کلدارءِ آر ایل این جی II- پائپ لائن منصوبہءَ چہ ایل پی جی ایئر مکس منصوبہ جات ءِ ھاترءَ نوک سر ایر کنگءِ سوج منظور کتگ وھدے کہ کمپنی ءَ را ملک ءِ ھمک ضلعءِ تہا ایئرمکس پلانٹس ءَ را گیش کنگءِ منتء ُ شون کتگ۔
اقتصادی ر ابطہ کمیٹی ء ِ دیوان مزن وزیر شاہد خاقان عباسی ءِ سروکی ءَ پنچ شمبے ءِ روچءَ مزن وزیر کارگس ءَ بوتگ۔
ای سی سی ءَ 14.
8ارب کلدار آرایل این جیII- پائپ لائن منصوبہ ءَ چہ ایل پی جی ایئرمکس منصوبہ جاتءِ ھاترءَ نوک سرءَ ایر کنگءِ ھاترءَ سوئی سدرن گیس کمپنی لمیٹڈءَ را اجازت دیئگ ءِ سوج منظور کتگ تنکہ اے منصوبہ جاتءَ را گشادی ءَ گوں سرجم کنگ بہ بیتء ُ لوگی ، صنعتی ء ُ دگہ صارفین آناں بے مھتل ءَ گیش پھجارینگ المی کنگ بہ بیت۔
ای سی سی ءَ سوئی سدرن گیس کمپنی لمیٹڈ ءَ را پنت ء ُ شون کتگ کہ ملک ءِ ھمک ضلع ءَ ایئرمکس پلانٹس ءَ راگیش کنگ بہ بیت۔
ای سی سی ءَ کاندرہ ڈویلپمنٹ اینڈ پروڈکشن لیز ءِ تہا چارسالہ گیش کنگءِ ھم منظورکتگ۔ای سی سی ءَ صنعتی پڑءِ ھاترءَ بجلی ءِ سبسڈی ءِ جیڑھ ء ُ صنعتی سبسڈی پیکج کلیمز ءِ ادائیگی ءِ جیڑھ ءِ سرءَ چارء ُ چار کنگ بوتگ ء ُ پیکج ءِ اثر ء ُمھکمیءِ تپاسی کنگءِ ھاترءَ کمیٹی جوڈ کنگءِ کنگءِ پیسلہ کتگ۔
صنعتء ُ پیداوارءِ وزارت ءِ نیمگءَ چہ پاکستان مشین ٹول فیکٹری ءَ را آئیءِ ریٹائرڈ ملازم آناں ادا کنگءِ واجبات ءِ ھاترءَ یک گرانٹے ءِ منظوری ءِ دزبندی ءِ سرءَ ھم چارء ُ بچار کتگ۔
ای سی سی ءَ اولی قسطءِ تہا 30کروڑ کلدارءِ گرانٹ ء ِ منظوری داتگ۔