ھواریں مفاد ات کونسل ءِ آکبتی سیکرٹریٹ جوڑ کنگ ءِ ھوالہ ءَ سمری کابینہ ءَ دیم داتگ انت، بنجاہی زیر بین الصوبائی رابطہ

اسلام آباد(پاکستان نیوز پوائنٹ 08ستمبر 2016ء) بنجاہی وزیر بین الصوبائی رابطہ میاں ریاض حسین پیر زادہ ءَ گشتگ کہ انت کہ ھواریں مفاد آنی کونسل ءِ آکبتی سیکرٹریٹ جوڑ کنگ ءِ ھوالہ ءَ سمری کابینہ ءَ دیم داتگ انت۔

پنچ شمبے ءَ ایوان بالا ءِ دیوان ءَ سینیٹر مشاہد حسین سید ءُُ میاں عتیق شیخ ءِ توجہ دلاؤ نوٹس ءِ پسو ءَ بنجاہی وزیر بین الصوبائی رابطہ میاں ریاض حسین پیر زادہ ءَ ایوان ءَ گشتگ کہ ھواریں مفاد کونسل ءِ آکبتی ءُُ سرجم سیکرٹریٹ جوڑ کنگ ءِ ھوالہ ءَ سمری

کابینہ ءَ دیم داتگ انت۔

آئی ءَ گشتگ کہ سمری دیم دئیگ ءِ بندات 18مارچ 2015ءَ بوتگ ات۔ دراجیں خط ءُُ کتابت ءَ پد نوں آھری سمری وزارت اطلاعات ءُُ کابینہ ڈویژن ءِ نیمگءَ 14جنوری 2016ءَ دیم داتگ انت۔

آئی ءَ گشتگ کہ ریگولیٹری اتھارٹی اگاں یک وزارت ءِ ردا بیت گڑا بازیں مسئلہ ھل بہ بئینت۔ آئی ءَ گشتگ کہ ماں نوکیں سمری ءَ وزارت بین الصوبائی رابطہ ءَ چہ ھواریں مفادات کونسل ءِ سیکرٹریٹ جوڑ کنگ ءُُ بنجاہی اتھارٹی آن ایشی چیردست کنگ ءِ تجویز داتگ انت۔