وزیر داخلہ چوہدری نثار علی خان ءَ کویت ءَ تعینات پاکستان ءِ سفیر غلام دستگیر ءِ گند ءُُ نند
اسلام آباد(پاکستان نیوز پوائنٹ 08ستمبر 2016ء) وزیر داخلہ چوہدری نثار علی خان ءِ گوں کویت ءَ تعینات پاکستان ءِ سفیر غلام دستگی ءَ گند ءُُ نند کرتگ۔
گند ءُُ نند ءَ پاک کویت سیادی ءُُ لہتیں چیز ءَ برجاہ دو نیمگی کمکءِ سرا گپ ءُُ تران کرت انت۔ پنچ شمبے ءَ وزارت داخلہ ءِ ترجمان ءِ ردا وزیر داخلہ ءَ سفیر ءَ پنت ءُُ شون کرتگ کہ کویت ءَ ھستیں پاکستانی ملک ءِ میرت انت ءُُ آھانی مسئلہ ھل کنگ ءِ سرا ھاسیں دیان بہ دئیت۔
گند ءُُ نند ءِ وھد ءَ پاکستان ءُُ کویت ءِ نیام ءَ
سرکاریءُُ سفارتی پاسپورٹ ءِ سرا ویزہ ءِ استثنیٰ ءِ دو نیمگی معاہدہ ءِ سرا ہم گپ ءُُ تران بوتگ۔
وزیر داخلہ ءَ گشتگ کہ پاکستان کویت ءِ گوں وتی سیادی ءَ باز ارزشت دنت پدا ہم ھچ دو نیمگی معاہدہ ءِ افادیت ہمے جاور ءَ ممکن انت کجام وھد ءَ دوئیں نیمگ ءَ ایشی سرا من ءُُ عن ءَ عمل بہ کن ات۔
ترجمان ءِ ردا گند ءُُ نند ءِ وھد ءَ پاکستانی آنی ھاتر ءَ کویتی ویزہ ءِ برجاہی ءُُ آئی ءِ ھاتر ءَ ملازمت ءِ دِگہ موہ پیداک کنگ ءِ ھاتر ءَ کوشست ءِ سرا ہم گپ ءُُ تران بوتگ۔