بنجائی وزیر ڈٹ بندی و شون اصلاحات پروفیسر احسن اقبال نا گلگت اٹی سی پیک سیمینار آن تران

اسلام آباد(پاکستان نیوز پوائنٹ 31اگست 2016ء) بنجائی وزیر ڈٹ بندی شون و اصلاحات پروفیسر احسن اقبال پارینے کہ پاک چین اقتصادی راہداری ڈٹ آن گلگت بلتستان تون اوار ملک انا غٹ علاقہ غاتے اسہ وڑ فائدہ رسینگک، سی پیک حقیقت اٹی پاکستان کن گیم چینجر اسے، دژمن اقتصادی راہداری ءِ نسخان تننگ کپک، ملک انا 20 کروڑ الس اقتصادی راہداری نا حفاظت ءِ کیرہ۔

داخیال آتا درشانی ءِ او چارشنبے آ گلگت بلتستان حکومت و قراقرم انٹرنیشنل یونیورسٹی نا کنڈآن سی پیک سیمینار آن تران کرسا کرے۔

بنجائی وزیر پارے کہ سیمینار نا اڈتننگ آ گلگت بلتستان حکومت و یونیورسٹی نا انتظامیہ مبارکباد نا حقدار ءُ، اینو اقتصادی راہداری و ملکی نظام ءِ ہچءُ خطرہ اس اف، سی

پیک حقیقت اٹی پاکستان کن اسہ گیم چینجر اسے ہراڑآن ڈیہہ نا 3 ارب خلقت آتے فائدہ مریک۔

اوپارے کہ سی پیک ڈٹ آن پاکستان تون اوار ڈیہہ ٹی نیزگاری، بے روزگاری نا خاتمہ مریک و روزگار نا پوسکن ءُ وارخواہی دوبریک۔

اوپارے کہ سی پیک نا برخلاف ہرابندغ آک سازش کننگ ءُ اوفتا عزم آک بے سہب مریرہ و دژمن تے پاننگ خواوہ کہ او دا ڈٹ ءِ ہچ ءُ نسخان اس تننگ کپسہ۔

اوپارے کہ اپوزیشن جماعت آک سیمینار اٹی راہداری ڈٹ انا مخ تفی ءِ کرینو و ملک انا غٹ سیاسی جماعت آتا سروک آک اسہ پنہ غاٹی ءُ۔

اوپارے کہ چین ارب آ ڈالر نا درآمدات کیک ہراڑآن پاکستان فائدہ ہرفنگ کیک۔ اوپارے کہ دا ڈٹ انا پوروی آن پاکستانی پوریاگر چین اٹی پوسکن ءُ منڈی پٹرہ۔