پاک چین اقتصادی راہداری نا ایوک ءَ پاکستان بلکینگ ءَ سرجمیں اے پڑ ے ھاترا ”گیم چینجر“ سُہرا بیت، راہداری ءَ چہ دمگ ءِ ایمنی دیمروئی ءُُ وشھالی یے نوکیں زمانگ بندت بیت، سی پیک ایوک ءَ سٹریٹیجک منوگری ءِ نہ اِت بلکینگ ءَ ایش دوئی ملک آنی نیام ءَ سالانی کساس ءَ کوھنیں دوستی یے ٹوھیں ءُُ راجدپتری دروراِت،مزن وزیر محمد نواز شریف ءِ پاک چین اقتصادی راہدری سمٹ ءُُ ایکسپو ءِ بنداتی گند ءُُ نندی دیوان ءَ گوں تران

اسلام آباد(پاکستان نیوز پوائنٹ 29اگست 2016ء) مزن وزیر محمد نواز شریف ءَ گوشت کہ پاک چین اقتصادی راہداری نا ایوک ءَ پاکستان بلکینگ ءَ سرجمیں اے پڑ ے ھاترا ”گیم چینجر“ سُہرا بیت، راہداری ءَ چہ دمگ ءِ ایمنی دیمروئی ءُُ وشھالی یے نوکیں زمانگ بندت بیت، سی پیک ایوک ءَ سٹریٹیجک منوگری ءِ نہ اِت بلکینگ ءَ ایش دوئی ملک آنی نیام ءَ سالانی کساس ءَ کوھنیں دوستی یے رواجدپتری درور اِت، اے دیوان وزارت ءِ منصوبہ بندی ءُُ دیمروئی ءِ نیمگ ءَ سی پیک ءِ بابت

ءَ یکجاھی رابطہ کمیٹی ءِ سیمی سالروچ ءِ درگت ءَ پاک چین فرینغ شپ سینٹر ءَ برجم دارگ بوتگ اَت۔

مزن وزیر ءَ اے پڑے ءُُ پاکستان ءِ وشھالی ءِ بابت ءَ یکیں مول ءُُ مراد آنی سرجمی ءِ ھاترا تران کُت ءُُ گوشت کہ ایش یک نوکیں ھیال اِت، ایش بے روزگاری ءُُ پد منتگی یے ھلاسی ءَ کمک کنت۔

مزن وزیر ءَ گوشت کہ سی پیک اُشکا یک سٹریٹیجک منوگری ءِ نہ اِت بلکینگ ءَ پاکستان ءُُ چین ءِ نیام ءَ بازیں سالا نی کساس ءَ مھکمیں دوستی یے راجدپتری درور اِت۔