اسلام آباد ءِ ماڈل سٹی اس جوڑکینہ، وزیراعظم محمد نواز شریف اسلام آباد نا زیبائی، آسراتی تا فراوانی و چاگڑد ناگچینی کن 5ارب روپئی نا پیکج تسنے، ڈاکٹر طارق فضل چوہدری

اسلام آباد (پاکستان نیوز پوائنٹ 29اگست 2016ء) وزیر مملکت برائے کیڈ ڈاکٹر طارق فضل چوہدری پارینے کہ بنجائی دارالحکومت اسلام آباد دنیا نا زیب دار دارالحکومت آتیان اسٹ ءِ اودے ماڈل سٹی اس جوڑ کینہ۔

چناتیٹی ماحولیاتی آگاہی ودی کننگ کن اودے نصاب نا بشخ جوڑ کینہ۔ او دوشنبے آ سید پورخلق اٹی سی ڈی اے نا کنڈآن شجر کاری مہم نا افتتاحی دود آن تران کریکہ۔

وزیر مملکت سید پور خلق اٹی نیال خلسا موسم برسات شجرکاری مہم نا باضابطہ افتتاح ءِ کرے۔ داوخت آ سی ڈی اے نا ممبر ماحولیات و فنانس ثناء اللہ امان ، ڈپٹی ڈائریکٹر

جنرل ماحولیات محمد عرفان تون اوار سی ڈی اے نا ایلو افسر آتون اوار شعبہ ماحولیات نا ایلو کمامدار و اسلام آباد نا اسکول آتا چناتا بھلو کچ اس ہم ساڑی ئس۔

وزیر مملکت داوخت آ پارے کہ موسم برسات شجر کاری مہم نا وخت آ اسلام آباد اٹی سہ لکھ نیال خلنگک ۔ اوپارے کہ وزیراعظم محمد نوا ز شریف اسلام آباد نا زیبائی، آسراتی تا فراوانی و ماحولیات نا گچینی کن 5ارب روپئی نا پیکج تسنے اوپارے کہ اسلام آباد دنیا نا زیب دار انگا دارالحکومت آتیان اسٹ ءِ اودے سرسوز، شاداب ، زیب دار و ماڈل سٹی اس جوڑ کینہ۔