اسلام آباد(پاکستان نیوزپوائنٹ12اکتوبر2017ء) بنجا نا بست و بند اٹی قبائلی علاقہ غاتیٹی بے اُرا بندغ آتا سروے نا عمل جاری ءِ ، داوخت اسکان 45 ہزار پنچ سدہند آتا سروے ءِ پورو کننگا نے۔
پوسکن جوڑ جاڑ وبحالی نا پروگرام منیجر شکیل انجم پارے کہ بنجانا بست وبند اٹی قبائلی علاقہ غاتیٹی آپریشن ضرب عضب آن زہمی مروک آ بے اُرا بندغ آتا سروے نا عمل برجا ءِ دا وخت اسکان 45 ہزار پنچ سد ہند آتا سروے نا عملءِ پورو کننگانے
ولے مشکل انگا علاقہ غاتیٹی ہند آتا سروے نا عمل برجاءِ ہرا جون 2018 اسکان برجا سلک۔
او پارے کہ بے اُرا بندغ آتون اوار اوار معاوضہ غاتا ادائیگی نا چرجوئی برجاءِ داوخت اسکان بے اُرا بندغ آتیٹی ہند آتا معاوضہ غا تا مدٹی 11 ارب روپئی بشخ وپانٹ کننگانے ، او پارے کہ پورو وڑاٹ بھس مروک آ اُرا تامعاوضہ چار ارب روپئی وخت اس کہ جزوی وڑاٹ زہمی مروک آ اُرا تا معاوضہ اسہ لکھ 60 ہزار روپئی تننگ انگ ءِ ۔