بلوچ اُلس محب وطن پاکستانی ءُ ، اوفک وخت اس ہم ملک دژمن عنصر آتا ہندا عزم انا مخ تفی ءِ کتنو، سینیٹر کلثوم پروین
اسلام آباد۔(پاکستان نیوزپوائنٹ 16اگست 2016ء) پاکستان مسلم لیگ (ن) نا سینیٹر کلثوم پروین پارینے کہ بلوچ الس محب وطن پاکستانی ءُ اوفک وخت اس ہم ملک دژمن عنصر آتا ہنداعزم انا مخ تفی ءِ کتنو۔
ریڈیو پاکستان تون ہیت وگپ کرسا اوپارے کہ بلوچستان پاکستان نا اہم ءُ صوبہ اسے بلوچ اُلس دلیر ءُ و تینا ملک اتون مابت کروکونو ، بلوچستان نا حکومت و الس بھارتی وزیراعظم مودی نا بیان ءِ مسترد کرینو۔
اوپارے
کہ بھارتی وزیراعظم نریندر مودی ءِ ایلو ملک آتیٹی نیام تمنگ آن بیدس تینا ملک انا تہہ نا معاملہ غاتیا توجوہ تخوئی مرے۔
سینیٹر کلثوم پروین پارے کہ مٹھی بھر شرپسند بھارتی اودیم ادارہ غاتا دوتے اٹ گوازی کننگ ءِ و او بلوچستان اٹی نزوری ودی کننگ خواہک۔
اوپارے کہ بلوچستان نا الس وفادار و محب وطن پاکستانی ءُ، او پاکستان ملک دژمن عنصر آتا ہندا عزم آتا مخ تفی ءِ نہ کرینو نہ وخت اس ہم کرور۔