قرآن پاک نا اشاعت نا بابت حکومت جامع بل اس ہتنگ ءِ ، صوبہ غاتے ہم پت اٹی ہلنگ انگ ءِ وزیر مملکت مذہبی امور پیر امین الحسنات نا قومی اسمبلی ٹی درشانِ خیال

اسلام آباد(پاکستان نیوزپوائنٹ 16اگست 2016ء) وزیر مملکت مذہبی امور پیر امین الحسنات پارینے کہ قرآن پاک نا اشاعت نا بابت حکومت جامع بل اس ہتنگ ءِ، اوڑآ صوبہ غاتے ہم پت اٹی ہلنگ انگ ءِ۔

قرآن حکیم نا مقدس ورق آتا ری سائیکلنگ کن یونٹ اس ہم خلنگ انگ ءِ وخت اس کہ حکومتی باسک میجر (ر) طاہر اقبال نا دا بابت بل ءِ موخر کننگا۔

سے شنبے آ قومی اسمبلی نا دیوان اٹی میجر (ر) طاہر اقبال تحریک پیش کرے کہ قرآن پاک نا اشاعت (طباعت و ریکارڈنگ نا غلطی تا چٹفنگ(ترمیمی )بل 2015ء قائمہ کمیٹی نا رپورٹ کروک دروشم اٹی فی الفور غور اٹی ہتنگے۔

وزیر مملکت مذہبی امور پیر امین الحسنات

پارے کہ حکومت دابابت جامع بل اس ہتنگ ءِ و دامعاملہ غاصوبہ غاتے ہم پت اٹی ہلنگ انگ ءِ، فاضل باسک دابل آ زرس صبر کے۔

میجر (ر) طاہر اقبال پارینے کہ اسہ تُو اسکان بل ءِ ملتوی کننگ اٹی ہچ ءُ حرج اس اف۔ صوبہ غاتے پت اٹی ہلنگ المی ءِ۔

وزیر مملکت مذہبی امور پیر امین الحسنات باوری ترفے کہ ہراوخت اسکان بنجا نا غٹ اکائیک دامعاملہ غا متفق مفسہ کانود سازی بے معنی مریک۔

قرآن حکیم نا مقدس ورق آتا ری سائیکلنگ کن یونٹ اس ہم خلنگ انگ ءِ۔ ڈاکٹر عارف علوی پارے کہ مقدس ورق آتے جمع کننگ نا معاملہ غاہم غور کننگ انگ ءِ۔ بل ءِ وزیر مملکت نا درخواست آ موخر کننگا۔