وزیراعظم پاکستان سندھ انا پسماندہ علاقہ غاتیٹی شونداری کاریم کننگ نا پہل کرینے، رانا محمد افضل
اسلام آباد(پاکستان نیوز پوائنٹ 28مارچ2017ء) پارلیمانی سیکرٹری فنانس رانا محمد افضل نا پاننگ ءِ کہ حیدرآباد نا دورہ غان ثابت مسنے کہ وزیراعظم محمد نواز شریف محب وطن و ملک انا حقی لیڈر ءِ۔
ریڈیو پاکستان تون ہیت وگپ کرسا اوپارے کہ وزیراعظم محمد نواز شریف ہمیشہ ملک انا ویل آتا مون ءِ توننگ نا بارواٹی ہیت کرینے او پاکستان نا حقی و سہی وڑاٹ محب وطن لیڈر ءِ۔
اوپارے کہ وزیراعظم پاکستان ہمیشہ دہشت گردی نا چٹفنگ ، معاشی شونداری و سوگوی تون اوار اوار جان جوڑی، دیر و ملک اٹی ایلو ویل آتا بارواٹی ہیت کرینے ہنداسوبءِ کہ
تدوک آ دے حیدرآباد اٹی خلقت اودے بخیراٹ پارینو و الس وزیراعظم محمد نواز شریف آن بھاز انگا اومیت آتے تخرہ انتئے کہ الس چائک کہ وزیراعظم ہرا وعدہ ءِ کیک اودے او پورو ہم کیک۔
رانا محمد افضل پارینے کہ سندھ اٹی قدرتی کوڑی تا بہتات ءِ و دادور آن مست اسہ حکومت اس ہم کوڑی آن استفاد ہ و علاقہ نا شونداری نا کنڈآ چکار تختوس و نئے ساڑی آ بنجائی حکومت نا کنڈآن علاقہ نا شونداری کن تروک آ جاری شونداری فنڈ آتے مناسب وڑاٹ کاریم اٹ اتنگانے۔
وزیراعظم پاکستان سندھ انا پسماندہ علاقہ غاتیٹی شونداری کاریم کننگ نا پہل کرینے۔