وزیراعلیٰ بلوچستان صوبہ نا پسماندگی و احساس محرومی نا چٹفنگ کن ہروڑنا گام گیج کننگ ءِ ، غازی خان پندرانی

کوئٹہ(پاکستان نیوز پوائنٹ 28مارچ2017ء) وزیراعلیٰ بلوچستان نا کوآرڈینیٹر غازی خان پندرانی پارینے کہ مسلم لیگ (ن) ملک اٹی انقلابی بدلی اتنگ کن ہرا میگا پروجیکٹ آتا بناءِ کرینے دافتیان پائیدار شونداری و جوڑ جاڑ نا چرجوئی بناکرینے، امن و ایمنی نا حالیت آتیٹی نمان گچینی بسنے، داہیت ءِ او ”اے پی پی“ تون خصوصی ہیت وگپ اٹی پارے۔

غازی خان پندرانی پارے کہ اقتصادی راہداری ڈٹ انا پوروی آن شونداری نا کسرآک ملنگرہ ملک و صوبہ ٹی بے روزگاری چٹک۔

اوپارے کہ شونداری نا مخالف واک آتا غٹ چمب آتے بے سہب کینہ۔ اوپارے کہ صوبائی حکومت امن و ایمنی ءِ برقرار تخنگ اٹی ہرحد اسکان ہِننگ ءِ ، ننا سیکورٹی ادارہ غاک پوروی وڑاٹ فعال ءُ و تینا جان نا پرواہ

ءِ کپرسا الس نا جان و مال انا رکھ و صوبہ ٹی امن ءِ المی جوڑ کننگ ءُ، اوپارے کہ وزیراعلیٰ بلوچستان نواب ثناء اللہ زہری صوبہ نا پسماندگی و احساس محرومی نا چٹفنگ کن ہروڑنا گام گیج کننگ ءِ، باشعور الس سوز باغ و خورک ءُ نعرہ خلوک آتے مسترد کرینے بلکن حقی وڑاٹ جہد کروک آ الس نا لیڈر ءُ۔

صوبائی حکومت الس نا ویل آتے اولیتی بنداو تیا ایسر کننگ ءِ، بے روزگارورناتے روزگار نا فراوانی اولیت ءِ روزگار نا فراوانی کن میرٹ آ عمل کننگک۔

اوپارے کہ الس نا بے لوث خذمت ءِ تینا فرض سمجھنہ و الس نا جان جوڑی نا فراوانی کن کوشست کننگ اُن، اومستی پارے کہ پاکستان مسلم لیگ (ن) نا حکومت ملک اٹی اقتصادی انقلاب برپا کیک و الس نا ہروڑنا خذمت آ یخین تخک۔