میانمار دے بحران اچ فیس بک نفرت کھنڈاونڑ اچ اہم کردار ادا کیتا ، اقوام متحدہ
جنیوا (پاکستان نیوزپوائنٹ 14مارچ2018ء) میانمار اچ ممکنہ نسل کشی دی تحقیقات کرنڑ آلے اقوام متحدہ دے انسانی حقوق دے ماہرین آکھیے جو ایں بحران دے حوالے نال معروف سوشل میڈیا ویب سائٹ فیس بک میانمار اچ نفرت کھنڈاونڑ اچ اہم کردار ادا کیتا ۔
عالمی ذرائع ابلاغ دے مطابق اقوام متحدہ ولوں میانمار اچ حقیقت دا پتہ لاونڑ آلے خود مختار بین الاقوامی مشن دے سربراہ مرزوقی داروسمان صحافیوں کوں ڈسایا جو میانمار
اچ سماجی رابطے دی ویب سائٹ فیصلہ کن کردار ادا کیتا ۔
میانمار کیتے اقوام متحدہ دی تحقیق نال پتہ لگیے جو میانمار اچ لوکاں دی زندگی اچ فیس بک دا وڈا عمل دخل اے ۔ویب سائٹ ایں غریب ملک دی وڈی مدد کیتی اے مگر ایں کوں نفرت انگیز مواد کھنڈاونڑ سانگے استعمال کیتا گیا ۔
واضح رہے جو فیس بک جنوری اچ میانمار دے انتہا پسند رہنما ویراتھو دا اکاو ¿نٹ نفرت انگیز مواد دے سبب ختم کرنڑ دا اعلان کیتا ہئی ۔