برطانوی حکومت سفارت خانے دے تحفظ دی ضمانت ڈیوے ۔ ایرانی سفیر
لندن (پاکستان نیوزپوائنٹ 12مارچ2018ء) برطانیہ اچ مقیم ایران دے سفیر حمید بعیدی نژاد آکھیے جو برطانوی حکومت کوں ایں گال دی ضمانت ڈیونڑیں ہوسی جو لندن اچ ایرانی سفارت خانے تے حملے دی منصوبہ بندی کرنڑ آلے گروہ کوں کنٹرول کرنڑ سانگے اگی تے ایجھے حملے دے اعادے دی اجازت کائناں ڈیسے ۔
ایرانی ذرائع ابلاغ دے مطابق حمید بعیدی نژادآکھیے جو ایں واقعے دا طریقہ کار تے سفارت
خانے تے حملے تے علاقائی عالمی قوانین دی کھلی خلاف ورزی اے ایندے نال پتہ لگدے جو حملہ آور پوری تیاری تے واضح مقاصد دے نال حملہ کرنڑ آئے ہن ۔
انہاں آکھیا جو چار لوکاں کوں لندن پولیس گرفتار کیتے تاں جو سوال اے ہے جو انہاں لوکاں کوں وختی چھوڑ کیوں ڈتا گیا ۔ایرانی سفیر آکھیا برطانوی سکیورٹی حکام دے نال سانجھے اجلاس اچ سفارت خانے تے حملے دا جائزہ گھدا ویسی ۔