گاجر دا جوس معدے دے کینسر، لیوکیمیا دے تدارک، چھاتی دے سرطان توں بچاونڑ، ساہ اتے پھیپھڑاں دیاں بیماریاں سانگے فائدہ مند ہے، امریکی ماہرین

واشنگٹن (پاکستان نیوزپوائنٹ 16فروری2018ء) امریکی ماہرین صحت آکھے جو گاجر غذائی اجزا دا خزانہ ہے اتے ایندا جوس معدے دے کینسر، لیوکیمیا دے تدارک، چھاتی دے سرطان توں بچاونڑ، ساہ اتے پھیپھڑاں دیاں بیماریاں توں بچاونڑ سمیت کئی بئیاں بیماریاں دے علاج اچ مددگار ہے۔

ہاورڈ یونیورسٹی دے شعبہ صحت دے ماہرین دی جدید تحقیق توں معلوم تھئے جو گاجر غذائی اعتبار نال مہنگے فروٹاں دے برابر ہے۔

گاجر داجوس بئے فروٹاں دے جوس دے نال رلا ایندا ذائقہ تے ایندی افادیت ودھا ڈیندے ۔ ہک کپ گاجر دے جوس اچ 94 کلوکیلوریز غذائیت ہوبدی ہے ،جیندے وچ 2.24 گرام پروٹین، 0.35 گرام چکنائی، 21.90 گرام کاربوہائیڈریٹس، 1.90 گرام فائبر، 689 ملی گرام پوٹاشیم، 20 ملی گرام وٹامن سی، 0.

217 ملی گرام تھایامین، 0.512 ملی گرام وٹامن بی 6، 2,256 مائیکروگرام وٹامن اے، 36.6 مائیکروگرام وٹامن دے علاوہ بئے اجزاءوی پاتے ویندن۔

ماہرین دے مطابق گاجر دا جوس غذائیت نال بھرپور ہوندے اتے ایہ کئی خوفناک بیماریاںمعدے دے کینسر، لیوکیمیا دے تدارک، چھاتی دے سرطان توں بچاونڑ، ساہ اتے پھیپھڑاں دیاں بیماریاں سمیت کئی بئیاں بیماریاں سانگے فائدہ مند ہے۔

گاجر اینٹی آکسیڈنٹس نال بھرپور ہوندی ہے۔ سائنسداناں دا آکھنڑ ہے جو خون اچ کیروٹینوئیڈزدی مقدار جتنی ودھ ہوسی، بریسٹ کینسر دا خطرہ اتنا ہی گھٹ تھیندے۔

گاجر دا جوس وٹامن سی نال بھرپور ہوندے اتے ا یہ ساہ دی ہک بیماری کرونک اوبسٹرکٹیو پلمونری ڈیزیز(سی او پی ڈی) دی شدت کوں گھٹ کریندے۔