سعودی ٹریول ایجنسیاں کوںسیاحتی ویزے ڈیونڑ دا اختیار مل گئے
ریاض (پاکستان نیوزپوائنٹ 06دسمبر2017ء) سعودی حکومت ڈی کیٹیگری دیاں ٹریول ایجنسیاں کوں سعودی عرب اتے بیرون ملک توں سیاحتی، تعلیمی اتے طبی بنیاداں تے ویزے جاری کرنڑ دا اختیار ڈے ڈتے۔
العربیہ ٹی وی سعودی آن لائن نیوز پورٹل دے حوالے نال آپنڑی رپورٹ اچ آکھیے جو سعودی کمیشن برائے سیاحت اتے قومی ورثہ ٹریول ایجنسی
کوں ویزا جاری کرنڑ دا لائسنس ڈے ڈتے۔
سیاحت کمیشن دے مکہ اچ ڈائریکٹر محمد عبداللہ الامری دا آکھنڑ اے جو انہاں دے ادارے توں پہلے سیاحت اتے سفردے شعبیاں کوں بہوں مشکلاں دا سامنڑا ہا بھل ہنڑ شہزادہ سلطان بن سلمان دی ہدایت تے سیاحتی شعبے دے ودھارے کیتے جدید ٹیکنالوجی استعمال کیتی ویندی پئی اے۔