پاکستان اتے ویسٹ انڈیزدی ترائے ٹی ٹوئنٹی میچز سیریز کھوہ کھاتے ونجنڑ داخدشہ
لاہور(پاکستان نیوزپوائنٹ 23 فروری2018ء) لاہور اچ تھیونڑ آلی پاکستان اتے ویسٹ انڈیزدی ترائے ٹی ٹوئنٹی میچز دی سیریز کھوہ کھاتے ونجنڑ داخدشہ اے کیوں جو ویسٹ انڈیز حالی تئیں دورے دی تصدیق نئیں کیتی۔
پی سی بی ذرائع موجب ویسٹ انڈیز بورڈدے چیئرمین ڈیوڈ کیمرون مارچ اچ لاہوردادورہ کیتا ہا بھل کئی ملاقاتاں توں بعد کریبیئن بورڈسیریز دی تصدیق نئیں کیتی۔
ویسٹ انڈین ٹیم کوں دورہ پاکستان توں پہلے زمبابوے اچ ورلڈ کپ کوالیفائرز اچ وی کھیڈنڑے۔ذرائع موجب ویسٹ انڈین بورڈ سیریز کیتے معاوضہ ودھاونڑ دا آکھیے۔
جیکر سیریز منسوخ تھئی تاں اگست اچ امریکا اچ شیڈول ترائے ملکی ٹورنامنٹ وی خطرے اچ پئے ویسی۔کیوں جو پی سی بی امریکہ اچ 7 ٹی ٹوئنٹی میچز کیتے میزبان ویسٹ انڈین بورڈتوں اپنڑا حصہ منگیا ہوئے۔