دنیا جانڑدی ہے جو بھارت توں ایندے پڑوسی ملک وی ناخوش ہن ،سینیٹر جاوید عباس

اسلام آباد (پاکستان نیوز پوائنٹ 02 فروری2016ء) مسلم لیگ(ن) دے سینیٹر جاوید عباسی آکھیا ہے جو دنیا جانڑدی ہے جو بھارت توں ایندے پڑوسی ملک وی ناخوش ہن ۔

ریڈیو پاکستان نال گالھ مہاڑ کریندے ہوئیں انہاں آکھیا جو حافظ سعید دی گرفتاری دے فیصلے دا تعلق قومی سلامتی توں ہے ۔

پاکستان بھارت دی کہیں گالھ کوں اہمیت کائنی ڈیندا ،موجودہ بھارتی وزیراعظم بھارت تے مقبوضہ کشمیر دے اندر انسانی حقوق دیاں بے پناہ خلاف ورزیاں کیتیاں ہن جیرھا جو وڈی دہشت گردی ہے ،اونکوں جڈاں وی موقع ملدا ہے پاکستان تے مسلماناںدے خلاف

زبان درازی کریندے ہن ۔

دنیا بھارت دے دہرے معیار توں پوری طرح با خبر ہے بھارت دی بحریہ دا افسرکلبھوشن یادیو پاکستان اچ دہشتگردی اچ ملوث گرفتارکیتا گیا ہے تے پاکستان دے کئی شہراں اچ انتہا پسندی دے حوالے نال بھارت دے ملوث تھیونڑ دے ثبوت ملیے ہن ۔

انہاں آکھیا جو پاکستان دہشت گردی دی لعنت توں متاثر تھیونڑ آلا ملک ہے تے پاکستان سمیت پوری دنیا جانڑدی ہے جو جتھاں وی دہشت گردی ہووے ایندی مذمت کریندا ہے ۔

جاوید عباسی آکھیا جو پاکستان دی مسلح فوج پاکستان دے اندر دہشت گرداں دی چیل تروڑ ڈتی ہے ۔