وزیر داخلہ چوہدری نثار علی خان نال سی پیک منصوبے کیتے بنڑائے گئے خصوصی سکیورٹی ڈویژن دے سربراہ میجر جنرل عابد رفیق دی ملاقات
اسلام آباد (پاکستان نیوز پوائنٹ 31جنوری2016ء) وفاقی وزیر داخلہ چوہدری نثار علی خان نال سی پیک منصوبے کیتے بنڑائے گئے خصوصی سکیورٹی ڈویژن دے سربراہ میجر جنرل عابد رفیق منگل کوں اتھاں ملاقات کیتی جیندے اچ سی پیک منصوبے دی سکیورٹی بارے کیتے گئے اقدامات اتے اخصوصی سکیورٹی ڈویژن بارے امور اُتے گالھ مہاڑ کیتی ۔
وزارت داخلہ ولوں جاری بیان دے مطابق وزیر داخلہ آکھے جو منصوبے کوں فول پروف سکیورٹی ڈیونڑ سانگے پاک فوج ، سول آرمڈ فورسز اتے ایس ایس جی اُتے مشتمل خصوصی سکیورٹی ڈویژن دا قیام ایں گالھ دا واضح ٹؤثبو ت ہے جو سی پیک منصوبہ اتے ایندے جال جڑے ہوئے افراد دی سیکورٹی حکومت پاکستان
دی اولین ترجیح ہے۔
انہاں آکھیا جو منصوبے دی سکیورٹی بارے ایس ایس ڈی (اسپیشل سکیورٹی ڈویژن) دیاں ساریاں ضرورتاں پوریاں کیتیاں ویسن اتے حکومت دے سارے ادارے اتے محکمے ایس ایس ڈی توں ترجیحی بنیاداں اُتے تعاون کریسن ۔
وزیرداخلہ آکھیا جو سی پیک منصوبہ نہ صرف پاک چین دوستی دے رشتے کوں بیا مستحکم کرنڑ اچ مدد ڈیسی جڈانجو خطے دی خوشحالی تے ترقی دے نویں رستے کُھلسن ۔
انہاں آکھیا جو منصوبے کوںپیش آونڑآلے اندرونی تے بیرونی خطریاں نال نبڑنڑ کیتے لازمی ہے جو منصوبے دی سکیورٹی کیتے مربوط اقدامات کیتے ویسن اتے ایں بارے جدید ٹیکنالوجی توں بھرپور فیدہ چاتا ویسی ۔