ڈیرہ اسماعیل خان اچ سڑک کنارے بارودی مواد پھٹ ونجنڑ پاروں 4پولیس اہلکاراں سمیت 7بندے زخمی
اسلام آباد (پاکستان نیوز پوائنٹ 04جنوری2016ء) ڈیرہ اسماعیل خان اچ سڑک کنارے بارودی مواد پھٹ ونجنڑ پاروں 4پولیس اہلکاراں سمیت 7بندے زخمی تھی گے ۔
نجی ٹی وی چینل دے مطابق بدھ دی سویل ڈیرہ اسماعیل خان اچ سرکلر روڈ تے دھماکا تھیا جڈاں پولیس وین اتھوں گزردی پئی ہئی ۔
دھماکے پاروں
7بندے زخمی تھی گے ہن ۔پولیس دے مطابق شدت پسنداں ولوں دھماکہ خیز مواد سڑک کنارے نصب کیتاگیا ہئی ۔
زخمی تھیونڑ آلیں اچ ڈو تریمتاں وی شامل ہن ۔زخمیاں کوں ڈسٹرکٹ ہسپتال ڈیرہ اسماعیل خان منتقل کر ڈتا گیا ہے ۔سیکورٹی فورسز وقوعے دی جاہ کوں ولا ڈے تے تحقیقات شروع کر ڈتیاں ہن ۔