اسلام آباد(پاکستان نیوز پوائنٹ 28دسمبر2016ء) سرگودھا اچ گیس سلنڈر پھٹ ونجنڑ نال 8 بندے زخمی تھی گے جیں اچوں چار دی حالت تشویشناک ہے ۔
نجی ٹی و ی چینل دے مطابق سرگودھا دے گنجان آباد علاقے جنرل بس سٹینڈ دے عبداللہ کالونی اچ گیس سلنڈر دھماکے نال پھٹ گیا جیں پاروں 8بندے زخمی تھی گے زخمیاں کوں طبی امداد سانگے ڈسٹرکٹ
ہیڈ کوارٹر ٹیچنگ ہسپتال سرگودھا منتقل کر ڈتا گیا جتھاں چار زخمی لوکاں دی حالت تشویشناک ڈسائی ویندی ہے انہاں کوں چنگی طبی امداد سانگے لاہور منتقل کر ڈتا گیا ہے ۔
زخمیاں اچ عمران ولد غلام حسین، عمران ولد غلام علی، محمد احمد، ساجد علی، ضیا ء الرحمان،نسیم بی بی ،سعدیہ ولد غلام علی وغیرہ شامل ہن۔