وزارت منصوبہ بندی تے ترقیات وفاقی حکومت دے خصوصی ترقیاتی منصوبیں سانگے 71 ارب 2 کروڑ روپے جاری کرڈتے
اسلام آباد (پاکستان نیوز پوائنٹ 28نومبر2016ء) وزارت منصوبہ بندی تے ترقیات سرکاری شعبے دے ترقیاتی پروگراماں اچ وفاقی حکومت دے خصوصی ترقیاتی منصوبیں سانگے 71 ارب 2 کروڑ 20 لکھ روپے توں ودھ دے فنڈز جاری کر ڈتے ہن۔
حکومت اجوکے مالی سال دے سرکاری شعبے دے ترقیاتی پروگراماں اچ وفاقی حکومت دے خصوصی پروگراماں سانگے ہک کھرب
99 ارب 66 کروڑ 77 لکھ روپے توں ودھ دے فنڈز رکھیے ہن۔
پلاننگ کمیشن دے جاری اعداد و شمار دے مطابق حکومت پائیدار ترقیاتی اہداف دے حصول سانگے 20 ارب، پرائم منسٹر یوتھ اینڈ ہنر مند پروگرام سانگے 6 ارب 86 کروڑ، ایرا سانگے 2 ارب 93 کروڑ، عارضی طورتے بے گھر لوکاں دی بحالی سانگے 42 ارب 56 کروڑ روپے دے فنڈز جاری کرڈتے ہن۔