ترک صدر رجب طیب اردوان 2 ڈینھ دے دورے تے اسلام آباد پج گئن ،وزیر اعظم محمد نواز شریف ترک صدر دا آونڑ تے پرتپاک استقبال کیتا
اسلام آباد (پاکستان نیوز پوائنٹ 16نومبر2016ء) ترک صدر رجب طیب اردوان 2 ڈینھ دے دورے تے اسلام آباد پج گئن۔انہاں کوں ایں دورے دی دعوت صدر مملکت ممنون حسین ڈتی اے۔
وفاقی دارالحکومت آونڑ تے وزیر اعظم محمد نواز شریف ترک صدر دا آونڑ تے پرتپاک استقبال کیتا۔ترک خاتون اورل
وی انہاں دے رلے ہن جڈانجو خاتون اول بیگم کلثوم نواز شریف وی استقبال سانگے موجود ہن ۔
ترک صدر آپنڑے دورے وچال صدر مملکت ممنون حسین نال ملاقات کریسن۔او وزیر اعظم محمد نواز شریف نال وی گالھ مہاڑ کریسن۔ترک صدر اج خمیس کوں پارلیمنٹ دے سانجھے اجلاس نال خطاب کریسن۔