حکومت تیل ،گیس دی تلاش تے پیداوار بئے مختلف شعبیں اچ سرمایہ کاراں کوں سازگار ماحول ڈیونڑ کیتے پرعزم اے ،وزیر اعظم عمران خان
اسلام آباد (پاکستان پوائنٹ نیوز11دسمبر 2018ء) وزیر اعظم عمران خان آکھیے جو حکومت تیل تے گیس تی تلاش تے پیداوار سمیت مختلف شعبیں اچ موجود ودھ سارے موقع توں فائدہ چاونڑ کیتے سرمایہ کاراں کوں سازگار فضا مہیا کرنڑ کیتے پرعزم اے ۔
جڈاں جو کاروبار اچ آسانی پیداکرنڑ تے کاروباری برادری کو ں ہر ممکن سہولتاں دی فراہمی تے توجہ ڈتی ویندی پئی اے ۔
انہاں اے گال منگل کوں تیل تے گیس دے شعبے اچ اطالوی ملٹی نیشنل کمپنی ”ای این آئی“ دے سنٹرل ایشیاءریجن دے ایگزیکٹو وائس پریذیڈنٹ لوکا وگناتی نال گال مہاڑ کریندے ہوئیں جنہاں وفد دے رلے وزیر اعظم آفس اچ انہاں نال ملاقات کیتی ۔
منیجنگ ڈائریکٹر ای این آئی پاکستان اینجیلو لگرون،
کامران اجمل میاں تے شاہین چغتائی وی انہاں دے رلے ہن ۔ لوکا وگناتی وزیر اعظم کوں 2000ءتوں ملک تے تیل تے گیس دی تلاش پیداوار دے حوالے نال اپنڑی کمپنی دیاں سرگرمیاں بارے ڈسایا ۔
انہاں وزیر اعظم کو ں ڈسایا جو ای این آئی پاکستان ایجھیں علاقیں اچ مقامی آبادیاں دی ترقی کیتے کئی منصوبیں اچ سرمایہ کاری کیتی اے جتھاں انہاں ڈے تلاش تے پیداوار دے لائسنس ہن اتے اے تعلیم، صحت تے ماحولیات اتے سماجی تے اقتصادی ترقی اچ اپنڑاں کردار ادا کریندی پئی اے ۔
انہاں آکھیا ای این آئی جدید ترین ٹیکنالوجیز کوں استعمال کریندے ہوئیں بالخصوص ایل این جی اتے آف شور تلاش تے پیداوار اچ اپنڑی کاروباری سرگرمیاں کوں مزید وسعت ڈیونڑ چاہندی اے ۔