ربیع سیزن دوران فصلاں سانگے پانڑیں دی گھٹکی دی شرح 38 فیصد تئیں رہونڑ دا امکان
اسلام آباد ( پاکستان پوائنٹ نیوز 08 دسمبر 2018ء) انڈس ریورسسٹم اتھارٹی (ارسا) آکھیے جو ربیع سیزن دوران فصلاں سانگے پانڑیں دی گھٹکی دی شرح 38 فیصد تئیں رہونڑ دا امکان ہے۔
”اے پی پی“ نال گالھ بات کریندے ہوئیں ارسا دے ترجمان خالد رانا ڈسایا جو سارے صوبے ارسا دے نال پورا تعاون کریندے پن۔
ترجمان آکھیے جوسالانہ ڈی سلٹنگ سانگے سارے صوبیں کوں15 دسمبر تئیں پلان بھیجنڑ دی ہدایت کیتی گی ہے۔ انہاں ڈسائے جوصوبیں پانڑیں دے استعمال اچ گھٹکی
شروع کرڈتی ہے۔
سندہ کو ں25 ہزار، پنجاب 40 ہزار، بلوچستان 4 ہزار اتے خیبر پختونخوا 18 سو کیوسک پانڑیں حاصل کریندا پئے۔ انہاں آکھیے جوصوبیں ولوں ڈیمانڈ اچ گھٹکی پاروںتربیلہ اتے منگلہ ڈیم توں پانڑیں دے اخراج اچ گھٹکی کیتی گی ہے۔
گزریل ڈینھ تربیلہ اتے منگلہ ڈیم توں بالترتیب 28 اتے26 ہزارکیوسک پانڑیں خارج کیتا گیا۔ہک سوال دے جواب اچ ترجمان آکھیا جوبھل صفائی سانگے نہراں دی سالانہ بندش تے25 دسمبر توں عمل درآمد شروع تھی ویسی۔