شمالی وزیرستان دے بے گھر لوکاں دی واپسی دا تریجھا مرحلہ(اج) ولا شروع تھیسی۔ پہلے ڈو مرحلیں وچ 51ہزا ر خاندان واپس اپنڑے علاقیاں وچ واپس پج گے ہن،پولیٹکل ایجنٹ

اسلام آباد (پاکستان نیوز پوائنٹ 24اکتوبر2016ء) شمالی وزیرستان دے بے گھر لوکاں دی واپسی دا تریجھا مرحلہ(اج) منگل کوںولا شروع تھیسی۔

شمالی وزیرستان دے پولیٹکل ایجنٹ کامران آفریدی اے پی پی کوں ڈسایا جو بے گھر لوکاں دے خانداناں دی واپسی سانگے پلان مرتب کیتا گیا ہا جیندے وچ بے گھر لوکاں دی واپسی کوں چار حصے وچ ونڈیا گیا ہا۔

ایں توں پہلے ڈ ومرحلے پورے کر گھدے گن جنہاں وچ 51ہزا ر خاندان واپس اپنڑے علاقیاں وچ پج گے ہن جڈانجوتریجھے مرحلے دا آغاز 25اکتوبر کوں کیتا

ویندا پئے جیندے وچ تقریباً 20ہزار خانداناں دی واپسی دے انتظامات کیتے گئے ہن۔

انہاں آکھیا جو شمالی وزیرستان دے 82ہزار خاندان اپریشن ضرب عضب دے دوران متاثر تھئے ہن جیرھے جو فاٹا ڈیزاسٹر منیجمنٹ اتھارٹی کنوں رجسٹرڈ ہن۔

انہاں آکھیا جو بے گھر لوکاں کوں واپسی دے موقع تے 25ہزار روپے کیش گرانٹ جڈانجو 10 ہزار روپے کرایے دی مد وچ بذریعہ موبائل سم ادا کیتے ویسن ۔

انہاں آکھیا جو شمالی وزیرستان دے بے گھر لوکاں دی واپسی 31دسمبر توں پہلے پورے کرگھدے ویسن۔