دوائیاں دی رجسٹریشن دے نظام کوں بین الاقوامی معیار دے مطابق بنڑاونڑ سانگے سسٹم بنڑایا ویندا پے ،ڈرگ ریگولیٹری اتھارٹی

اسلام آباد (پاکستان نیوز پوائنٹ 22ستمبر 2016ء) ملک اچ دوائیاں دی رجسٹریشن دے نظام کوں بین الاقوامی معیار دے مطابق بنڑاونڑ سانگے سسٹم بنڑایا ویندا پئے تاں جو عالمی ادارہ صحت دے ٹریڈ اینڈ ڈویلپمنٹ دی کمیٹی دے وضع کیتے گے اصولاں دے مطابق رجسٹریشن دا عمل کیتا ویسی ۔

پاکستان ڈرگ ریگولیٹری اتھارٹی دے حکام دا آکھنڑ ہے جو بین الاقوامی معیار دے مطابق سسٹم بنڑایا ویندا پے تاں جو عالمی ادارہ صحت دے ٹریڈ اینڈ ڈویلپمنٹ دی کمیٹی دے وضع کیتے گے اصولاں دے مطابق رجسٹریشن دا عمل کیتا ونج سگے ۔

پاکستان ڈرگ ریگولیٹری اتھارٹی دے حکام دا آکھنڑ ہے جو بین اقوامی معیار دے مطابق پاکستان کمپنیاں ایں قابل تھی ویسن جو او دنیا

دے مختلف ملکاں دے حکام توں اپنڑیاں دوائیاں دی رجسٹریشن کروا سگن ۔

انہاں آکھیا جو ایں اقدام نال ملک اچ دوائیاں دی برآمدات اچ ودھارا تھیسی۔ایں ویلھے پاکستان 167ملین روپے دیاں دوائیاں بر آمد کریندا ہے جڈاں جو بھارت دی بر آمدات 20ارب اتے بنگلہ دیش دی بر آمدات 1,8ارب روپے ہے ۔

انہاں آکھیا جو پی آئی سی ایس توں دوائیاں دی ملکی بر آمدات اچ چنگاں ودھارا تھیسی ۔انہاںآکھیا جو پی آئی سی ایس پاکستان دیاں دوا ساز کمپنیاں دے معیار دی تصدیق کریسی ۔

انہاںآکھیا جو ملک اچ و فاقی ڈرگ سرویلنس لیبارٹری وختی کم شروع کر ڈیسی جیرھا جو بین الاقوامی معیار دے مطابق تھیسی ایں طرح دی لیبز صوبیںاچ وی قائم کیتی ویسی ۔