سپریم کورٹ آئین تروڑنڑ آلے پر ویز مشرف کوں عدالتی کچاری اچ گھن آونڑ سانگے از خود نوٹس گھنے ،رکن قومی اسمبلی کیپٹن (ر) محمد صفدردا مطالبہ

اسلام آباد(پاکستان نیوزپوائنٹ 13اپریل 2018ء) مسلم لیگ (ن) دے رکن قومی اسمبلی کیپٹن (ر) محمد صفدر مطالبہ کیتے جو 1973دا آئین تروڑنڑ آلے سابق صدر پرویز مشرف کو ںعدالتی کچاری اچ گھن آونڑ سانگے سپریم کورٹ از خود نوٹس گھنے ۔

جمعے کوں قومی اسمبلی اچ اظہار خیال کریندے ہوئیں انہاں آکھیا اساں سانگے اعزاز دی گال اے جو مسلم لیگ ن دے ایجھے رکن موجود ہن جنہاں 1973دا متفقہ آئین ڈتا ۔

انہاں آکھیا متنازعہ فیصلیں نال ریاست کوں ضیان چاونڑاں پیا ۔قرارداد مقاصد

ایں آئین دا حصہ اے تے ہر قسم دے شہری حقوق دے تحفظ دا ضامن اے ،اے آئین ‘ ریاست‘ پارلیمنٹ اتے جمہوریت دے تحفظ دے نال نال عقیدہ ختم نبوت دے تحفظ دا وی ضامن اے۔

جسٹس منیر دے متنازعہ فیصلے دے بعد ملک کوں اوکھ دا سامنڑاں کرنڑاں پیا ، اے آئین ترائے واری ترٹیا مگر عدالتاں کوئی کردارادا کائنی کیتا ،آئین اچ آرٹیکل وی موجود اے ۔

انہاں آکھیا جو 1973ءآئین تروڑنڑ آلے جنرل مشرف کوں عدالتی کچاری اچ کھڑ ا کرنڑ سانگے سپریم کورٹ از خود نوٹس گھنے ۔