الیکشن کمیشن انتخابی فہرستاں اچ غلطیاں کوں درست کرنڑ سانگے پورے ملک اچ 11500 ڈسپلے سینٹرز قائم کرڈتے شہری سویرے 8 توں 4 وجے تئیں کمیشن دے ضلعی دفاتر ، رجسٹریشن آفیسرز اتے اسسٹنٹ رجسٹریشن افیسرز دے دفتراں نال رجوع کر سگدے ہن
اسلام آباد (پاکستان نیوز پوائنٹ 20ستمبر 2016ء) الیکشن کمیشن انتخابی فہرستاں اچ غلطیاں کوں درست کرنڑ سانگے پورے ملک اچ 11500 ڈسپلے سینٹرز قائم کرڈتے ہن۔
الیکشن کمیشن دے حکام منگل کوں ڈسایا جو الیکشن کمیشن دے ضلعی دفتر اچ انتخابی فہرستاں رکھ ڈتیاں گیاں ہن۔ ایندے علاوہ رجسٹریشن افیسرز اتے اسسٹنٹ رجسٹریشن افیسرز دے دفتراں اچ وی اے فہرستاں موجود ہن۔
شہری انتخابی فہرستاں اچ کہیں وی تصحیح سانگے سویرے 8 وجے توں 4 وجے تئیں انہاں دے دفتر نال رابطہ کر سگدے ہن۔ انتخابی فہرستاںاچ تصحیح دی مہم 10
اکتوبر تئیں جاری رہسی۔
الیکشن کمیشن آف پاکستان رائے دہندگان کوں آکھیا ہے جو او اپنڑے قومی شناختی کارڈ دے نال ڈسپلے سینٹرز تے ونجن اتے انہاں اپنڑاں اندراج چیک کرن۔
شہری اپنڑاں ووٹ ٹرانسفر کرنڑ سانگے وی ڈسپلے سنٹرز تے موجود مخصوص فارماں تے درخواست ڈے سگدے ہن ۔ الیکشن کمیشن دے حکام دے مطابق پنجاب اچ 7 ہزار‘ سندھ اچ 1900‘ خیبر پختونخوا اتے فاٹا اچ ہک ہزار اتے بلوچستان اچ 1500 ڈسپلے سینٹرز قائم کیتے ہن۔
الیکشن کمیشن آف پاکستان دی ویب سائیٹ تے ڈسپلے سینٹرز دی فہرست موجود ہے۔