وزیر اعظم محمد نواز شریف مقبوضہ کشمیر اچ قابض بھارتی فوج دے ہتھوں انسانی حقوق دیاں مسلسل سنگین خلاف ورزیاں کوں اجاگر کرنڑکیتے (اج) اقوام متحدہ کیتے روانہ تھیسن۔ وزیراعظم 19 ستمبر توں اقوام متحدہ دی جنرل اسمبلی دے 71 ویں اجلاس اچ پاکستانی وفد دی قیادت کریسن، دفتر خارجہ وزیراعظم محمد نواز شریف عالمی برادری اتے اقوام متحدہ تے زور ڈیسن جو او اقوام متحدہ دی سلامتی کونسل دیاں متعلقہ قرارداداں دے مطابق جموں وکشمیر دے لوکیں دے حق خودارادیت دا آپنڑاں وعدہ پورا کریسن
اسلام آباد (پاکستان نیوز پوائنٹ 16ستمبر 2016ء) وزیر اعظم محمد نواز شریف مقبوضہ کشمیر اچ قابض فوج دے ہتھوں انسانی حقوق دیاں مسلسل سنگین خلاف ورزیاں کوں اجاگر کرنڑ کیتے (اج) چھنڑ چھنڑ کوں اقوام متحدہ کیتے روانہ تھیسن۔
وزیراعظم عالمی برادری اتے اقوام متحدہ تے زور ڈیسن جو او اقوام متحدہ دی سلامتی کونسل دیاں متعلقہ قرارداداں دے مطابق جموں و کشمیر دے لوکیںدے حق خودارادیت دا آپنڑاں وعدہ پورا کرن۔
دفتر خارجہ ولوں جمعے کوں جاری تھیونڑآلے بیان دے مطابق وزیراعظم محمد نواز شریف 19 ستمبر توں اقوام متحدہ دی جنرل اسمبلی دے 71 ویں اجلاس اچ پاکستانی وفد دی قیادت کریسن۔
وزیراعظم مقبوضہ کشمیر اچ بھارتی فورسز ولوں انسانی حقوق دی تیزی نال وگڑدی صورتحال اتے بھارتی مظالم کوں اجاگر کریسن۔
او 21 ستمبر کوں جنرل اسمبلی دے اجلاس اچ امن تے سلامتی اتے ترقی توں گھن تے اہم عالمی معاملیاں تے پاکستان دے موقف' کردار اتے خدمات اُتے روشنی پیندے ہوئیں حکومت دی سوچ تے ترجیحات کوں اجاگر کریسن۔
جنرل اسمبلی دا سالانہ اجلاس خصوصی اہمیت رکھیندے کیونجو ایندے اچ حکومتی اتے ریاستی سربراہان کثیر تعداد اچ شریک تھیندے ہن ۔
وزیراعظم نواز شریف آپنڑیں خطاب اچ مقبوضہ کشمیر اچ بھارتی فورسز ولوں انسانی حقوق دی تیزی نال وگڑدی ہوئی صورتحال' بھارتی مظالم کوں اجاگر' بین الاقوامی برادری
اتے اقوام متحدہ توں سلامتی کونسل دیاں قرارداداں دے مطابق کشمیریاں کوں حق خود ارادیت ڈیونڑ بارے آپنڑیں وعدیاں دی پاسداری اتے ایندے اُتے عملدرآمد دا مطالبہ کریسن۔
ترجمان دے مطابق وزیراعظم 19 ستمبر کوں مہاجرین اتے تارکین وطن دی وڈے پیمانے تے نقل و حرکت دے مسئلے بارے جنرل اسمبلی دے اعلیٰ سطح دے اجلاس اتے 20 ستمبر کوں مہاجرین بارے باراک اوبامہ دے سڈے گئے سربراہ اجلاس اچ وی شرکت کریسن۔
ایں موقعے کوں استعمال اچ گھن آندے ہوئیں پاکستان مہاجراں بارے ڈیتاں گیاں ودھ ساریاں قربانیاں اتے تعاون کوں اجاگر کریسی اتے عالمی برادری توں افغان مہاجراںد ی رضاکارانہ باعزت واپسی تے زورڈیسی ۔
جنرل اسمبلی اجلاس دے موقعے تے وزیراعظم نواز شریف اقوم متحدہ دے جنرل سیکرٹری بان کی مون سمیت کئی عالمی رہنماواں دے علاوہ کاروباری رہنماواں اتے میڈیا دے منتخب رکناں نال وی ملاقات کریسن۔
سیشن دے دوران او آئی سی، جی۔77، ایکو، سارک، دولت مشترکہ، ڈی ایٹ سمیت کئی علاقائی اتے ذیلی علاقائی تنظیماں دے وزارتی سطح دے اجلاس وی تھیسن۔
ترجمان آکھے جو ایں موقعے تے جموں و کشمیر بارے او آئی سی رابطہ گروپ دا اجلاس وی تھیسی ۔ ترجمان آکھے جو پاکستان عالمی امن، سلامتی اتے ترقی دے کثیر الجہتی چیلنجاں تے قابو پاونڑ سانگے سانجھیاں کوششاں دے ودھارے دا ساریاں توں وڈا علمبردار ہے۔