وزیر دفاع انجنیئرخرم دستگیرخان دی ایئرچیف مارشل مجاہد انورخان کوں پاک فضائیہ دی کمان سنبھالنڑ تے مبارکباد
اسلام آباد (پاکستان نیوزپوائنٹ 19مارچ2018ء) وزیر دفاع انجنیئرخرم دستگیرخان ایئرچیف مارشل مجاہد انورخان کوں پاک فضائیہ دی کمان سنبھالنڑتے مبارک ڈیندے ہوئیں امید کیتی اے جو نویں ایئرچیف دی اگوانڑی اچ پاک فضائیہ ملکی سرحداںدی21ویں صدی دیاں لوڑھاں کون پوراکرنڑ کیتے چنگی محافظ ثابت تھیسی۔
ترجمان وزارت دفاع موجب وزیردفاع انجینئرخرم دستگیرخان
، ایئرچیف مارشل سہیل امان دی سبکدوشی تے نیک خواہشاں کریندے ہوئیں آکھیے جو انہاں دیاں خدمتاں ہک اوکھے ویلھے پاک فضائیہ کوں جدید ترین بنڑاونڑ کیتے یاد رکھیاں ویسن،ایں سانگے پی اے ایف اچ ٹیکنالوجی ودھاونڑ،انسداد دہشتگردی دی نگرانی کیتے انہاں دا کردار قابل تعریف اے،اللہ کرے او مستقبل اچ وی ایویں ہی ہر جاہ تے کامیاب راہون۔