ساڈا مشن پارلیمنٹ دی بالادستی، آئین و قانون دی حکمرانی ہوونڑا چاہیدے،اساں پارلیمان دی بالادستی دی جنگ لڑڈے راہسوں،سابق چیئرمین سینیٹ سینیٹر میاں رضا ربانی دا سینیٹ اچ خطاب

اسلام آباد (پاکستان نیوزپوائنٹ 12مارچ2018ء) سابق چیئرمین سینیٹ سینیٹر میاں رضا ربانی نومنتخب چیئرمین اتے ڈپٹی چیئرمین کوں مبارکباد ڈیندے ہوئیں آکھیے جو ساڈا مشن پارلیمنٹ دی بالادستی، آئین و قانون دی حکمرانی ہوونڑا چاہیدے،اساں پارلیمان دی بالادستی دی جنگ لڑڈے راہسوں۔

ایوان بالا دے اجلاس اچ انہاں ترائے سال پہلے سینیت کیتے نامزد کرنڑ تے آصف زرداری دا شکریہ ادا کیتا اتے ہنڑ سینت دا ٹکٹ ڈیونڑ تے بلاول بھٹو زرداری دی وی تعریف کیتی۔

انہاں

عوام ، حکومتی اتے اپوزیشن ارکان ساریں دا شکریہ ادا کیتا۔میاں رضا ربانی آکھیے جو نومنتخب چیئرمین و ڈپٹی چیئرمین سینیٹ جیہڑے ویلھے منصب سنبھالیے او بہوں مشکل ویلھا اے، امید اے جو او ایوان کوں اگو تے ٹورنڑ اچ بہوں محنت کریسن،پارلیمان توں صاف سنیہڑا ونجنڑا چاہیدے جو پارلیمان دی بالا دستی دی ہوا کوں نئیں ڈکیا ونج سگدا،ساڈا مشن پارلیمنٹ دی بالادستی، آئین و قانون دی حکمرانی ہوونڑا چاہیدے،اساں پارلیمان دی بالادستی دی جنگ لڑڈے راہسوں۔