تاپی گیس منصوبگ ءَ چہ پڑ ءِ کروڑآنی اسل ءِ اقتصادی ءُُ چاگردی جاور گہتر جوڑ کنگ ءَ کمک رسیت، پڑ ءَ ایمنی ءِ دیمروئی ءَ ایشی یے ارزشتی ایں کرد ءِ بیت، تاپی لائن ءُُ ایشی ءَ چہ بندوکیں ایندگہ منصوبگ آنی بدولت ءَ باسکیں ملک آنی نیام ءَ راجدپتری یکوئی گیش مھکم بنت، پاکستان ءِ حکومت ءُُ الس ءَ چہ مستر اِچ کس اوگانستان ءَ ایمنی ءُُ برجائی ءِ واھشت ایگ بوت نہ کنت، پاکستان ءِ پڑ ءَ ایمنی ءُُ دیمروئی ءِ بیرک دار اِنت زن وزیر شاہد خاقان عباسی ءِ ہرات ءَ تاپی گیس پائپ لائن منصوبگ ءِ چیر دستی ءَ، آپٹک فائبر ءُُ ایندگہ منصوبگ آنی بُن ھشت ءِ ایرکنگی مراگش ءَ گشتانک

 ہرات (پاکستان نیوزپوائنٹ 23 فروری2018ء) مزن وزیرشاہد خاقان عباسی ءَ گوشت کہ تاپی گیس منصوبگ ءَ چہ پڑ ءِ کروڑانی الس ءِ اقتصادی ءُُ چاگردی جاور گہتر جوڑ کنگ ءَ کمک رسیت، پڑ ءَ ایمنی ءِ دیمروئی ءَ ھم ایشی ءِ یک کرد ءِ بیت گوں، تاپی پائپ لائن منصوبگ ءُُ ایشی ءَ گوں بندوکیں منصوبگ آں ی بدولت ءَ باسکیں ملک آنی نیام ءَ یکوئی گیش برجا ءُُ مھکم بنت، پاکستان ءِ حکومت ءُُ الس ءَ چہ گیش اِچ کس اوگانستان ءَ ایمنی ءُُ برجائی ءِ واھشت مند بوت نہ کن اَنت، پاکستان ایمنی ءُُ دیمروئی ءِ بیرک دار اِنت۔

آدینگ ءِ روچءَ روبرکتی اوگانستان ءِ راجدپتری شہر ہرات ءَ پاکستان۔ ترکمانستان۔ اوگانستان۔ بھارت گیس پائپ لائن منصوبگ (تاپی) ءِ چیر دستی ءَ توان، آپٹک فائبر ءُُ ایندگہ منصوبگ آنی بُن ھشت ءِ ایر کنگ ءِ مراگش ءَ گشتانک دیان ءَ مزن وزیر شاہد خاقان عباسی ءَ گوشت کہ مرچی مراگش ءَ بھر زوری آئی ءِ واستہ داد ءِ گپ اِت، من اوگان صدر ء ِ ھم شگر ءُُ منت وار آں آئی ءَ اے منصوبگ

ءَ را دیم ءَ برگ ءَ وتی کرد ءَ را پیلو کتگ۔

مزن وزیر ءَ گوشت کہ ترکمانستان ءِ صدر قربان گل بردی محمد وف ءَ گیس پائپ لائن ءِ ھما اکس پیش کتگ بوتگ آ نوں ھاٹیگ ءِ راہداری ءَ مٹ بوھگ ءَ انت، اے راہداری ءَ انفارمیشن ٹیکنالوجی، اقتصادی زون، توان ءُُ رابطہ ءِ ایندگہ منصوبگ ھم ھوار اَنت، اے راجدپتری منصوبگ اَنت ایشی ءَ چہ پڑ ءِ کروڑا الس ءِ اقتصادی ءُُ چاگردی جاور گہتر جوڑ کنگ ءَ کمک رسیت ءُُ پڑ ءَ ایمنی ءِ برجائی ءَ ھم ایشی یے ارزشتی ایں کرد سہرا بیت۔

آئی ءَ اوگان الس ءَ گوں اردو زبان ءَ تران کنان ءَ گوشت کہ پاکستان ءِ حکومت ءُُ الس اوگانستان ءَ ایمنی، برجائی ءُُ دیمروئی ءِ واستہ جزمیگ اِنت، ما پڑ ءَ ایمنی، برجائی ءُُ دیمروئی ءِ واستہ جزمیگ آں، من اوگان الس ءَ را گوشگ لوٹاں کہ شمے کامیاتی مئے کامیاتی اِنت ، شمے دیمروئی مئے دیمروئی اِنت ءُُ اوگانستان ءَ ایمنی پاکستان ءَ ایمنی ءِ برابر اِنت۔

آئی ءَ اے گپ ہرات ءَ گوں سیادی دروکیں جلال الدین رومی ءَ ایمنی ءِ کلوہ دات، مارا ایمنی، دیمروئی ءُُ وشھالی ءِ اے کلوہ ءَ دیم ءَ شنگ کنگ ءِ ضلورت اِنت۔