غزہ (پاکستان نیوزپوائنٹ12جنوری2018ء) اسرائیلی فوجیاں غزہ اتے غرب اردن اچ 2 فلسطینی نینگراںکوں گولی مار تے شہید کر ڈتا ۔
فلسطینی ذرائع دے مطابق غاصب اسرائیلی فوجیاں ہک سولہاں سال دے فلسطینی نینگر کوں جنوبی غزہ دے علاقے اچ فائرنگ دا نشانہ بنڑایا جیں نال او موقع تے شہید تھی گیا ۔
اتھاں فلسطین دی وزارت صحت دے مطابق اسرائیلی فوجیاں
غرب اردن دے شہر نابلوس اچ ہک فلسطینی نینگر کوں گولیاں مار تے ودھ زخمی کر ڈتا جیں دے بعد او زخمیاں دی تاپ نہ جھلیندے ہوئیں شہید تھی گیا۔
بیت المقدس بارے امریکی صدر ٹرمپ دے فیصلے دے بعد فلسطینی علاقیں اچ اسرائیلی حکومت دے خلاف پرامن فلسطینی مظاہرین تے اسرائیلی فوج دے حملیں اچ 21 فلسطینی شہید اتے ترائے ہزار توں ودھ زخمی ہن ۔