چین دی پاکستانی ماہرین کوں قدیم تہذیب، آثار اتے نادر شئیں دے تحفط کیتے تربیت دی پیشکش
اسلام آباد (پاکستان نیوزپوائنٹ 13دسمبر2017ء) چین پاکستان اچ قدیم تہذیبی جاہیں، آثار تے مختلف نادر شئیں دے تحفظ اتے ڈیکھ بھال کیتے تربیت دی پیش کش کیتی اے۔
ڈینگ ژیالین دی اگوانڑی اچ چین دی حکمران کمیونسٹ پارٹی دے چھی رکنی وفداے پیشکش قومی تاریخ وادبی ورثہ ڈویژن دے دورہ ویلھے وفاقی سیکرٹری انجینئر عامر حسن نال ملاقات اچ کیتی۔
وفاقی سیکڑٹری وفد کوں مشیر وزیراعظم عرفان صدیقی دی اگوانڑی اچ قومی تاریخ وادبی ورثہ ڈویژن ولوں علم وادب دے ودھارے اتے تاریخ وثقافت دے شعبہ اچ
اقدامات اتے منصوبیان بارے ڈسایا۔
انہاں آکھیے جو قومی تاریخ وادبی ورثہ ڈویژن وفاقی دارالحکومت اچ قومی عجائب گھردی تعمیر کیتے اہم پیش رفت کیتی اے۔
آندے سال دے شروع اچ عجائب گھر دا سنگ بنیاد رکھیا ویسی۔چینی وفد حکومت پاکستان دیاں کوششاں دی تعریف کریندے ہوئیں آثارقدیمہ کوں محفوظ بنڑاونڑ اتے ڈیکھ بھال کیتے پاکستانی ماہرین دی چینی ماہرین توں تربیت کرنڑ دی پیش کش کیتی۔
چینی وفد 70سالہ جشن آزادی دے حوالے نال اسلام آباد میوزیم اچ تاریخی نوادارت دی نمائش وی ڈٹھی۔