اشتہاری کوں پناہ ڈیونڑ تے سابق صوبائی وزیر عبدالرحمن کھر گرفتار،ضمانت تے چُھٹ گئے
مظفر گڑھ۔(پاکستان نیوز پوائنٹ 30اگست 2016ء) مظفرگڑھ پولیس اشتہاری ملزم کوں پناہ ڈیونڑ دے الزام اچ سابق گورنرمصطفی کھردے پُتر سابق صوبائی وزیرعبدالرحمان کھردے گھر چھاپہ ما ر کراہیں گرفتار کر گھدا،بعد اچ انہاں کوں عدالت اچ پیش کیتا گئیا تاں عبدالرحمان کھر دی ضمانت منظور کر گھدی۔
پولیس د ے مطابق تھانڑاں
سنانواں پولیس کوںاطلاع ملی جو تھانڑاں کوٹ ادو پولیس دا اشتہاری مجرم بلال کھر ہک جاہ تے موجود اے جئیں تے پولیس چھاپہ ماریا تاں صوبائی وزیر اوندے بھجنڑ اچ مدد کیتی،جئیں تے عبدالرحمان کھر دے خلاف اشتہاری ملک بلال کھر کوں پناہ ڈیونڑ دے الزام اچ سب انسپکٹر کوٹ ادو دی مدعیت اچ مقدمہ درج کر گھدا گئیا۔