اقتصادی راہداری پاکستان اتے چین وچال جغرافیائی قربت اتے موقعیاں دی بناء تے آپسی روابط کوں مضبوط بنڑاونڑ اتے ایں نتیجے اچ ترقی تے بے پناہ موقع بارے اہمیت دا حامل منصوبہ اے، سمندری رستیاں نال رسائی دے خواب کوں حقیقت اچ بدلنڑ اچ معاون ثابت تھیسی،46ارب ڈالر دی سرمایہ کاری اچ مواصلات دے شعبے اچ خصوصی توجہ ڈتی ویندی پئی اے،پلاننگ کمیشن

اسلام آباد(پاکستان نیوز پوائنٹ 30اگست 2016ء) اقتصاد ی راہداری پاکستان اتے چین وچال جغرافیائی قربت اتے موقعیاں دی بناء تے آپسی روابط کوں مضبوط بنڑاونڑ اتے ایں نتیجے اچ ترقی تے بے پناہ موقع بارے اہمیت دا حامل منصوبہ اے۔

سمندری رستیاں نال رسائی دے خواب کوں حقیقت اچ بدلنڑ اچ معاون ثابت تھیسی،46ارب ڈالر دی سرمایہ کاری اچ مواصلات دے شعبے اچ خصوصی توجہ ڈتی ویندی پئی اے۔

منگل کوں پلاننگ کمیشن دے حکام اے پی پی کوں ڈسایا جو مک اچ 12ہزار کلومیٹر لمبی سڑکاں دا بنیادی ڈھانچہ پوراکر گھدا گئے جڈانجو ایں شعبے اچ33ارب ڈالر ز دی بئی سرمایہ کاری دی گنجائش اے۔

گزریل ڈو سالیں وچال بنیادی ڈھانچے دی تعمیر تے ترقی سانگے 9.

5ارب ڈالر دے منصوبیاں تے کم جاری اے جیڑھا جو آندے ترائے سالیں اچ پورا کر گھدا ویسی۔

انہاں ڈسایا جو سی پیک دے تحت ملک دے شمالی علاقیاں کوں جنوبی علاقیاں نال رلایا ویسی،آندے ترائے سالیں اچ 1300کلومیٹر لمبی موٹرویز بنڑیسوں۔

انہاں ڈسایاجو سڑکاں اتے موٹرویز دے اجوکے نیٹ ورک دی چنگائی سانگے کم کیتا ویندا پئے اتے ایں بارے پورے ملک اچ مساوی بنیاداں تے کم کیتا ویندا پئے ،ہنڑیں ای وزیر اعظم محمد نواز شریف سیالکوٹ توں لاہور موٹر وے دا افتتاح کیتے جڈانجو ملتان،مظفر گڑھ،ڈیرہ غازی خان دا منصوبہ وی شروع کیتا ویندا پئے ۔