ماڈل قندیل بلوچ دے قتل دی فرانزک پوسٹ مارٹم رپورٹ مل گئی،معدے اچ نشہ آور زہر پاتا گئیا،رپورٹ
ملتان(پاکستان نیوز پوائنٹ 29اگست 2016ء) ماڈل قندیل بلوچ دے قتل دی فرانزک پوسٹ مارٹم رپورٹ مل گئی،معدے اچ نشہ آور زہر پاتا گئیا ہئی۔
پولیس دے ذرائع دے مطابق ماڈل قندیل بلوچ دے قتل دے واقعہ اچ ملتان پولیس لاش دے اجزاء تجزیے سانگے لاہور لیبارٹری بھجوائے ہن جڈانجو ابتدائی پوسٹ مارٹم دے
مطابق ڈاکٹراں دا آکھنڑ ہا جو قندیل بلوچ دی موت ساہ روکے ونجنڑ نال تھئی اے جڈانجو نشہ آلی شئے پلاونڑ دے شق اچ اجزاء لاہور بھجوائے گئے ہن ۔
لاہور لیبارٹری توں پوسٹ مارٹم دی فرانزک رپورٹ ملتان پولیس کوں مل گئی اے جئیں دے مطابق قندیل بلوچ دے معدے اچ نشہ آور گولیاں دا زہر پاتا گئے ۔