ختم نبوت اتے ناموس رسالت تے پوری امت مسلمہ دا اتفاق ہے‘ مولانا فضل الرحمان

اسلام آباد (پاکستان نیوزپوائنٹ11اکتوبر2017ء) جمعیت علماءاسلام (ف) دے سربراہ مولانا فضل الرحمان آکھیا ہے جو ختم نبوت اتے ناموس رسالت تے پوری امت مسلمہ دا اتفاق ہے‘ وزیراعظم نواز شریف دی نااہلی دے بعد انتخابی اصلاحات بل اچ حکومتی ترمیم دے دوران شورمچاونڑ تے ہنگامہ آرائی اچ نقب لاونڑ آلیں ختم نبوت دے حوالے نال حلف نامے اچ نقب لاتی ،ایندے ذمے واراں دے تعین سانگے تحقیقاتی کمیٹی بنڑائی ونجے ،اساں فاٹا دے صوبے اچ انضمام دے خلاف کائنی تاں جو فاٹادے عوام کوں اپنڑے مستقبل دا فیصلہ کرنڑ دا اختیار خود ڈتا ونجے ‘ ایوان توں منظور تھینوڑ آلے رواج ایکٹ تے وی ہنڑ ساریاں جماعتاں آکھدیاں پیاں ہن جو اے غلط ہئی ،اساں او ں ویلھے وی ایندی مخالفت کیتی ہئی ،فاٹا دے مستقبل دے مسئلے تے چار سدہ ‘ مردان تے بئے علاقیں توں لوکاں کوں گھن آتے دھرنے ڈے تے اے تاثر نہ ڈتا ونجے جو اے فاٹا دے عوام ہن ،فاٹا دے معاملے تے عجلت توں پرے رہیا ونجے ۔

بدھ کوں قومی اسمبلی اچ اعتراض دے نکتے تے

مولانا فضل الرحمن آکھیا جو ایں ایوان نال اجتماعی گناہ تھیا ہے ۔ ختم نبوت ناموس رسالت تے پوری امت مسلمہ متفق ہے، اے کہیں گروہ دا معاملہ کائنی ،1974اچ ختم نبوت دی تحریک میں اپنڑے والد تے والدہ دے نال جیل کٹی ،پیپلز پارٹی دے لوک اتھاں قید ہن ،حکومت پیپلز پارٹی دی ہئی ،اے بحث نی کرنڑیں چاہیدی جو کہیں دی عقیدت گھٹ تے میڈی ودھ ہے ،انہاں آکھیا جو ہر دور اچ ثابت کیتا جو نبی ﷺ دی محبت ہر چیز توں ودھ ہے ،انتخابی ا صلاحات تے سینکڑاں اجلاس تھے ،نواز شریف دی نا اہلی تے انتخابی اصلاحات بل اچ ترمیم تے ہنگامے دے موقع تے ہک ایجھا کم تھیا ہے جیں دی باقاعدہ تحقیقات دی ضرورت ہے اے حرکت کیں کیتی ۔

انہاں آکھیا جو حلف نامے نال ختم نبوت دا معاملہ تبدیل کرنڑ دی ترمیم کوں سینیٹر حافظ حمد اللہ سینیٹ اچ چاتا ۔ہر ہک دا فرض ہے جو ایجھا مسئلہ چاوے سارے مسلمان ہن ،ایں وقت ایجھا کائنی جو ہک ڈوجھے تے ایندی ذمے واری پا ڈیووں ،جیں نقب لاتا ایندے تحقیقات سانگے کمیٹی بنڑائی ونجے ۔