10سال دے دوران ڈیری فارمنگ دے شعبہ وچ جدید ٹیکنالوجی دے حصول اتے ودھ کھیر ڈیونڑ آلیاں گائیں درآمد کرنڑ تے 360 ملین ڈالر دی سرمایہ کاری ، 10 ہزار بندیاں کوں روزگار ملیا
اسلام آباد (پاکستان نیوز پوائنٹ 26اگست 2016ء) 10 سال دے دوران ڈیری فارمنگ دے شعبہ وچ جدید ٹیکنالوجی دے حصول اتے ودھ کھیرڈیونڑ آلیاں گائیں درآمد کرنڑ تے 360 ملین ڈالر دی سرمایہ کاری کیتی گئی ہے، جیندے نال ملک دی کھیر دی ہک ڈینھ دی پیداوار وچ 10لکھ لیٹر دا ودھارا تھیا ہے جڈانجو شعبہ وچ 10 ہزار بندیاں کوں روزگار وی ملیا ہے۔
آسٹریلین ٹریڈ اینڈ انویسٹمینٹ کمیشن دے ریجنل بزنس ڈویلپمینٹ مینجر عمران سعید خان اپنڑے ہک بیان وچ آکھیاہے جو پاکستان وچ ڈیری فارماں دے مالک کھیر 60 روپے فی لیٹرویچنڑ نال ہک ڈینھ
وچ 70 ملین روپے کمیندے پئے ہن۔
انہاں آکھیا جو دنیا دے ترقی یافتہ ملکاں دے مقابلے وچ پاکستان وچ کھیر ڈیونڑ آلے زناوراں دی اوسط پیداوار گھٹ ہے ۔
انہاں آکھیا جو اگر ودھ کھیر ڈیونڑ دیاں صلاحیتاں آلے زناوراں دی تعداد وچ ودھارا اتے ڈیری دی جدید ٹیکنالوجی نال فائدہ چاتا ونج جا سگدے تاں ایندے نال کھیر دی یومیہ پیداوار وچ وی خاطر خواہ ودھارا کیتا ونج جا سگدے جیندے نال نہ صرف روزگار دے نویں مواقع پیدا ہونڑ نال بے روزگاری دی شرح وچ گھٹکی آوسی بلکہ دیہاتی معیشت دی ترقی وچ وی مدد ملسی۔