اسلام آباد ،پشاور موڑ سستے بازار اچ بھال لگ ونجنڑ پاروں سٹال سڑ تے کولا تھی گے ،بھاہ جتی دی کان اچ لگ تے پورے بازار اچ کھنڈ گی ،فائر برگیڈ دیاں 20گاڈیاں بھاہ تے قابو پاونڑ اچ مصروف پشاور موڑ بازار اچ مجموعی طور تے ترائے ہزار سٹال ہن ،گارمنٹس سیکشن اچ بھاہ لگی جیں نال 650توں ودھ سٹال سڑ تے کولا تھی گے ،سی ڈی اے بازار انتظامیہ
اسلام آباد (پاکستان نیوزپوائنٹ23اگست2017ء) وفاقی دارالحکومت اسلام آباد دے پشاور موڑ سستے بازار اچ بھاہ لگ گی جیں پاروں سینکڑاںسٹالز سڑ گن ، بھاہ دے شعلے آسمان تے پج گے بھاو وسماونڑ سانگے فائر بریگیڈ دیاں 20گاڈیاں موقع تے پج گیاں تے فائر برگیڈ دا عملہ بھاہ وسماونڑ اچ مصروف رہیا ۔
بھاہ دی شد ت کوں ڈیکھدے ہوئیں میئر اسلام آباد تے چیئر مین سی ڈی اے شیخ انصر عزیز موقع تے پج گے تے امدادی سرگرمیاں دی نگرانی کریندے رہیے ۔
بدھ دے ڈینھ سی ڈی اے دے پشاور موڑ سستے بازار اچ اچانک بھاہ لگ گی ،بھاہ دے شعلے اتنے ہن جو بازار اچ سٹالاں کوں وکیڑ اچ گھن گھدا تے بھاہ پورے بازار اچ کھنڈ گی
۔
ایں موقع تے امدادی سرگرمیاں اچ مختلف فاﺅنڈیشنز، این جی اوز دیاں گادیاں اتے ایمبولینس موقع تے پج گیاں تے لوک اپنڑی مدد خود دے تحت دکاناں کوں بچاونڑ سانگے خود کم اچ مصروف رہیے۔
پولیس بازار کوں چارے پاسے سیل کر ڈتاتاں جو کوئی جانی ضیان نہ تھیوے ۔ بھاہ غریب دوکانداراں دا کروڑاں روپے دا ضیان کر ڈتا ۔
بھاہ دی شدت کوں ڈیکھدے ہوئیں ایس ایس پی اسلام آباد ساجد کیانی اتے بے پولیس افسراں سمیت چیئرمین سی ڈی اے شیخ انصرعزیز وی موقع تے پج تے امدادی سرگرمیاں دی نگرانی کریندے رہیے ۔
فائربریگیڈ دیاں گاڈیاں دے نال کئی پانڑیں دیاں ٹینکر وی بھاہ وسماونڑ اچ مصروف رہیے ۔