صدر آزادکشمیر سردار مسعود خان دی برطانوی پارلیمانی وفد دے نال کشمیر ہاﺅس اچ سانجھی پریس کانفرنس
اسلام آباد (پاکستان نیوزپوائنٹ21اگست2017ء ) صدر آزادکشمیر سردارمسعود خان اتے برطانوی پارلیمانی وفد اقوام متحدہ تے زور ڈتا ہے جو او مقبوضہ کشمیر اچ وگرڈی ہوئی صورت حال دا نوٹس گھنے ،کالے قنون دے تحت کشمیریاں دی بغیر وجہ ڈسائے گرفتاریاں افسوس ناک ہن ،بھارت دے آئین اچ کشمیریاں کوں حاصل رعایت دے خاتمے سانگے اینکوں بدالیا ویندا پیا ہے ،اساں چھیکڑی دم تئیں کشمیریاں دے نال رہسوں ۔
سنوار کوں کشمیر ہاﺅس اچ سانجھی پریس کانفرنس
توں خطاب کریندے ہوئیں صدر آزاد کشمیر سردار مسعود خان ، برطانوی اراکین پارلیمنٹ یاسمین قریشی، گریم جونز ، فیصل رشید اتے محمد یاسین آکھیا جو کشمیر دے حوالے نال اقوام متحدہ دا کردار اج کل زبانی خرچ توں ودھ کائنی ،مقبوضہ کشمیر اچ کشمیریاں دا قتل عام کیتا ویندا پیا ہے ،نینگراں کوں نشانہ بنڑایاویندا پیا ہے بغیر کہیں وجہ دے انہاں کوں گرفتار کیتا ویندا پے ،اہم حریت پسند رہنماواں کوں نظر بند سلاسل کیتا گیا ہے ۔