بلوچستان دے عوام دی ترقی میڈے دل دے بہوں نیڑے ہے ،وختی بلوچستان دا دورہ کریساں وزیراعظم شاہد خاقان عباسی دی وزیراعلیٰ بلوچستان سردار ثناءاللہ زہری نال ملاقات
اسلام آباد (پاکستان نیوزپوائنٹ17اگست2017ء) وزیراعظم شاہد خاقان عباسی آکھیا ہے جو بلوچستان کوں رقبے دے لحاظ نال پاکستان دا ساریں توں وڈا صوبہ ہوونڑ دی بنا تے اساڈی حکومت پہلی ترجیح ڈتی ہے جیں دا واضح اظہار گوادر بندرگاہ ،سڑکاں دے جال تے سماجی اقتصادی سکیماں سمیت بلوچستان سانگے سی پیک منصوبہ جات توں ہوندا ہے ۔
انہاں اے گالھ
بلوچستان دے وزیراعلیٰ ثناءاللہ زہری نال خمیس کوں اتھاں ملاقات اچ آکھی ۔وزیرا عظم آکھیا جو حکومت صوبے اچ امن تے توجہ ڈتی ہے جیں دے ثمرات تکھے ترقی دی شکل اچ ملیے ہن ۔
انہاں آکھیا جو بلوچستان دے عوام دی ترقی انہاں دے دل دے بہوں نیڑے ہے تے بلوچستان کوں وفاقی اکائیاں دے برابر گھن آونڑ سانگے سارے وسائل استعمال کیتے ویسن ۔